المساعد الشخصي الرقمي

مشاهدة النسخة كاملة : ماذا كتب شعراؤنا فى الصباح


اسماعيل علي حامد
26-03-10, 09:19 AM
http://shots.ikbis.com/image/35273/big_screen/Aldorrah7.jpg

الصباح او الشروق : لمحة جمالية فريدة زينها الخالق عز وجل
لتكون من آياته فى هذا الكون 000
ويعتبر الصباح من اجمل اللحظات وبه معانى كثيره 0
فالشروق هو ميلاد يوم جديد وتكون اجمل لحظاتة عندما تبدا الشمس فى الطلوع
والصباح هو مصدر الهام للشعراء الذين كتبوا اروع الكلمات فى تلك اللحظات
وفى هذا البوست نريد ان نفرد مساحة لنقف على الاشعار التى كُتبت فى الصباح
وكيف شعرائنا تفننوا فى وصف الصباح
وشعرائنا فى القرير لهم باع طويل فى هذا المجال , فابدعوا فى وصف الصباح
ابدا لكم المشاركة برائعة استاذانا السر عثمان الطيب ( الحنين ) حين قال
من ندايآ فى الصباح نسامو عاطر
من نغيم طنبور فى روعة ناقر

http://www.jahracity.com/ramadan/1430/night28_1430.gif

اسماعيل علي حامد
26-03-10, 08:12 PM
وقت ماف زول اشتغل بى وما هببتو لى 00 ارد على نفسى براى
فى اغنية عديلة عليك للاستاذ صديق احمد 00 مقطع جميل عن الصباح
يقول
وا حلاة الريدة وقتين تبقى صح صح
وا حلاة صبحآ تكون انت المصبح

تقبل مرورى اخ اسماعيل

مع تحياتى 0000
اخوك سمعة

أحمد عبد الله وداعة
26-03-10, 08:49 PM
أخى سُمعه تصبح على خير قدُر مافتشتلى قصيده فيها الصباح مالقيت - إتذكرت لى بداية غُنيه يغنيها ود المساعيد وغلبنى إتذكّر باقيها وماعرفت كمان شاعره منو تقول إنت القمر إنت النجوم إنت الصباح عموماً أخى
قاعدين نحاول نتذكّر لينا صباح نشاركك بيهو

اسماعيل علي حامد
27-03-10, 10:56 PM
http://www.mika2eel.com/awrad/awrad-al-tahsin/imageshow76.jpg




يـا طالعـة من نفس الصباح منسربة في النيل والجريفات الخدر

حسن حمدين
28-03-10, 07:43 AM
وقت ماف زول اشتغل بى وما هببتو لى 00 ارد على نفسى براى
اخوى اسماعيل كيف حالك ( والله ضحكتنى ارد على نفسى دى) يااخى انت ضايق مالك ـ والله مستمتعين بى مشاركاتك كلها بس نحن كسلانين حبتين ـ وواصل وطريقك اخضر والف عافية

اسماعيل علي حامد
28-03-10, 07:35 PM
وقت ماف زول اشتغل بى وما هببتو لى 00 ارد على نفسى براى
اخوى اسماعيل كيف حالك ( والله ضحكتنى ارد على نفسى دى) يااخى انت ضايق مالك ـ والله مستمتعين بى مشاركاتك كلها بس نحن كسلانين حبتين ـ وواصل وطريقك اخضر والف عافية
الاخ حسن حمدين لك التحية على هذا المرور الجميل
ما كان تشوفلك حاجتن فيها صباح

عدي محمد سعيد دفع الله
29-03-10, 10:05 AM
اها يا ود الخالة عشان ما ترد لي نفسك ومعليش انا كنت مريض لكن جيت وهاك
الناس قالو لي انساها لو عايز تطيب بي سرعة
حاولت وغلبني انساها ذكرتة لي صـبحت ــطبعة
طلعتها في صباح ايامي ماغابت خميس لا جمعة
سرقت بالي ما فضل لي منو قدر اعد لي سبـــعة

عدي محمد سعيد دفع الله
29-03-10, 10:09 AM
والوالد في قصيدة بيقول
كلما اشرق صباح يا روحي قلبي يزيد عناهو
وانت القاسي ما راعيت كفاهو عذاب كفاهو

نانا
29-03-10, 10:23 AM
انادي عليك شموس تمرق من الواطة
قلوب بيضاء شعاع وصباح
يبق نورك مع الفجاج
علي النخل العزيز وطوال

عوض علي حامد
29-03-10, 12:40 PM
واتذكر يا يمــه في الدغــش النســايـمو يهبهبن
قايمي الصباح متكفلتي شايلي الحليلي علي المراح
والســاعــة ديك يا دوب ديكنا بدأ الصـــياح
والطـــــــــير صغـــــــاروا يغــــــــــــردن

http://no20ra.jeeran.com/sabaah00.jpg

http://no20ra.jeeran.com/sabaah00.jpg

اسماعيل علي حامد
31-03-10, 09:31 PM
الشكر للاخوان
احمد عبدالله وداعة
حسن حمدين
ود القلعة
عوض على حامد
على المرور والمشاركة
والشكرايضآ للاخت نانا على المشاركة

غاده ابراهيم عمسيب
01-04-10, 09:59 AM
العزيز إسماعيل شنو الصباحيات الواقعين فيهاى دي اما انا اقول ليك صباح في البلد دي مافي معليش بلد الخضره يا كافي البلا القمرة هنا مابتشاف وزاتا مع الحجار دي ماب تنزل تحت خلى القمرة للرملة

الباقر الطيب عبد الحليم
01-04-10, 10:52 AM
ود عمنا واخونا الصغير اسماعيل عساك بخير ولك التحية على نشاطك اللافت




من قصيدة خليل فرح للوطن ( عزة ) لك هذه الابيات التي ورد فيها الصباح



فلق الصباح قولي اهو نورك لاح خلي
يا خفيف الروح هو هذا نداك ام ندى الازهار

صبح البستان شايل شجر الرمان مايل
السلاف في الدنان والكنار في حنان والهزار في هزار

عزة شوفي الحوش نور بي نجوم الليل غور
يا صباح النور على العيون الحور والخديد الحار

محمد إبنعوف محمد طه
01-04-10, 11:15 AM
لك التحيات الزاكيات النديات نداوة الصباح
عمك ابو صلاح قال في قصيدتو لحظك الجراح :
عمري أضحي مباح
في الغرام لا اقصد غير لقاك ارباح
حبي ليك يباح
وفي الظلام تتبسم وليلي يبقى صباح
وغنى مصطفى سيداحمد لازهري محمد علي:
الصباح الباهي لونك وضاحة يا فجر المشارق
غابة الابنوس عيونك يا بنية من خبز الفنادق
***
ويا صباحات المواني
حتى لو دربك ترنح في مشاوير الاغاني
والجرح ارتد بينا لي زمان الاهة تاني
يانا لا بنتحاشا صدك لا بتموت فينا الاغاني


ولك الصباحات الندية

نانا
01-04-10, 11:39 AM
صباح نغمة فرايحية
صباح مزدان ورود والوان تناغم طفلة نيلية
صباح روعة مجياتكم وتحياكم يااحلىاغاني وردية

خالد عبد الرحيم الأسطى
02-04-10, 10:58 PM
بتطلعي انتي من غابات ومن وديان ومني أنا ومن صحوة جروف النيل مع الموجة الصباحية
وباكر في دغيشا بدري في ساعة الفجر يا طير واظنك اتخمل بي غادي في ضل التمر
يا سر جمال صبحي الجديد يا مرحبا وشرفت جيت اهلا حباب نور العيون يا مرحبا

اسماعيل علي حامد
08-04-10, 10:22 AM
http://www.ittihadhalap.com/forum/image.php?u=1659&type=sigpic&dateline=1239391848

صباحاتك نـــــداوة وفل وضـــحكة طفلـــــــة براقــــــة
تبث خيط الشعاع للناس براءة وبسمة منساقة
ترانيم نقرة فى طنبــــور ومقطوعات بتتلاقــــة
صباحك صـــحى للاطيار فـــــوق الخــــدرة واوراقـــة

http://www.thai-tour.com/thai-tour/South/Krabi/hotel/sunrise-tropical/large-pic/sunrise.jpg