نفّـــــــاج: [ الكاتب : عمر محمد نور - آخر الردود : عمر محمد نور - ]       »     مامان الإنسان [ الكاتب : عبد المنعم محمد توب السوق - آخر الردود : عبد المنعم محمد توب السوق - ]       »     حصاد البلح والكشّيق [ الكاتب : عبد المنعم محمد توب السوق - آخر الردود : عبد المنعم محمد توب السوق - ]       »     قـولـولـى فى رثاهـو شن أكتب؟وا... [ الكاتب : احمد محمد صالح بادي - آخر الردود : احمد محمد صالح بادي - ]       »     مرثيه مامان كلمات سيف الدين مح... [ الكاتب : عمر محمد علي ترتوري - آخر الردود : عمر محمد علي ترتوري - ]       »     حكمــــــــــة اليـــــوم [ الكاتب : احمد عبدالله جقلاب - آخر الردود : احمد عبدالله جقلاب - ]       »     عمرالسرور اوحشتنا [ الكاتب : احمد محمد صالح بادي - آخر الردود : عمر محمد علي ترتوري - ]       »     المنتدى يا حليلو [ الكاتب : احمد محمد صالح بادي - آخر الردود : احمد محمد صالح بادي - ]       »     أسابيع الحُزن [ الكاتب : عمر محمد نور - آخر الردود : عمر محمد نور - ]       »     ياخوانى وآشرى على ناس الشمال، ... [ الكاتب : احمد محمد صالح بادي - آخر الردود : احمد محمد صالح بادي - ]       »     عثمان حسن صالح فارس الحوبة وكن... [ الكاتب : عبد المنعم محمد توب السوق - آخر الردود : عبد المنعم محمد توب السوق - ]       »     الإستمتاع بالحياة يبدأ بعد الس... [ الكاتب : احمد عبدالله جقلاب - آخر الردود : عبد الرحمن (عطبرة) - ]       »     يمكن فى علم العليم يا أهلى راج... [ الكاتب : احمد محمد صالح بادي - آخر الردود : احمد محمد صالح بادي - ]       »     الشاعر وجدى والفنان عادل عثمان... [ الكاتب : عمر محمد علي ترتوري - آخر الردود : عمر محمد علي ترتوري - ]       »     وا شرى بـقـيـت للتأبين [ الكاتب : احمد محمد صالح بادي - آخر الردود : احمد محمد صالح بادي - ]       »     ما كتب عن الراحل المقيم مامان [ الكاتب : عبد المنعم عبد الرحيم حضيري - آخر الردود : ثامر عثمان وداعه - ]       »     الفلوس ياخوانى كعبه ضمه [ الكاتب : احمد محمد صالح بادي - آخر الردود : احمد محمد صالح بادي - ]       »     ساقتنا الظروف يا صاحي [ الكاتب : احمد محمد صالح بادي - آخر الردود : سيف الدين محمد الامين - ]       »     الاختشوا ماتوا [ الكاتب : احمد محمد صالح بادي - آخر الردود : احمد محمد صالح بادي - ]       »     في رثاء الشيخ الراحل عثمان حسن... [ الكاتب : عمر محمد نور - آخر الردود : عمر محمد نور - ]       »    

تسجيل خروج البحث تحكم العضو التسجيل الرئيسية


 
 
العودة   منتديات القـريـر > قــــائمة المنتديــــات > منتدى الحوار العام
 
 

الإهداءات

إضافة رد
 
أدوات الموضوع انواع عرض الموضوع
 
 
  #1  
قديم 08-01-17, 07:19 PM
الصورة الرمزية عبد الرحمن (عطبرة)
عبد الرحمن (عطبرة) غير متواجد حالياً
قريرابي ماسي
 





افتراضي مناظر . . . في نظري مؤلمة . . .

المنظر . . . حقيقي حصل يوم أمس . .

- خرجت حوالي التاسعة مساء من المنزل بحي من أحياء عطبرة للتسوق في سوق حلتنا العامر بحمد الله . . . لحدي هنا عادي . .
- بعد شارعين لقيت لمة من النسوان و في نص اللمة رجل كبير يلبس نظارة و يتوكأ على عصاه . . و احداهن تبكي و تسكلب قائلة: قلت ليكم ما من عوايده يتأخر لحدي الوقت دا . . ردت أخرى: يمكن يكون مع واحد من أصحابه . . فترد المسكلبة: لا لاااا وووب علييييا ما عنده أصحاب أهو دا جده أسأليه مافي صاحب بيجيهو في البيت . . . يكون غرق وووووب علييييييييا . .
فترد أخرى: احتمال لقى ليهو شلة من زملانو في المدرسة و شالتن ونسه . .
فتصر المسكلبة: لا لا . . لا لا ... ما حصل اتأخر قدر دا . . دا طالع من الساعة عشرة صباح .. و لي هسا ما جا ... ووووب عليييي . .
فتنظر احداهن للجد و هي تقول: يا حاج انت واقف من العصر خش ارتاح بيجي . .
فيرد الجد بحسرة: هو وين بس .. ما بقدر أخش كدي يا فلانه متوجه بحديثه للمسكلبة: كدي رسلي زول لي صاحبه هناي . . و يصمت ليتذكر و هو معبور و يحاول التذكر و لكن لم يسطع فهو في حالة مشوشة زائد الكِبر . . فتقول المسكلبة صاحبه منوووو منووو .. و تتدخل أخرى . . كدي جيبوا ليكم كرسي للحاج اذا ما عايز يخش البيت اليقعد شوية من قبيل واقف . .

يتبـــــــــــــــــــع

من مواضيعي :
رد مع اقتباس
 
 
 
 
قديم 08-01-17, 08:51 PM   #2
نائب رئيس مجلس الادارة
 
الصورة الرمزية عمر محمد علي ترتوري





عمر محمد علي ترتوري غير متواجد حالياً

من مواضيعي :
افتراضي رد: مناظر . . . في نظري مؤلمة . . .

ياااااا الله ... يبدو إنها دى قصه مشوقه جدا يا عبد الرحمن ..
زى ما قلت ليك فى قروب مروى الادبى "إنت جميل وجدا " حصلنا بالبقيه !
مودتى

  رد مع اقتباس
 
 
 
 
قديم 10-01-17, 08:58 AM   #3
قريرابي ماسي
 
الصورة الرمزية عبد الرحمن (عطبرة)





عبد الرحمن (عطبرة) غير متواجد حالياً

من مواضيعي :
افتراضي رد: مناظر . . . في نظري مؤلمة . . .

اقتباس:
المشاركة الأصلية كتبت بواسطة عمر محمد علي ترتوري
ياااااا الله ... يبدو إنها دى قصه مشوقه جدا يا عبد الرحمن ..
زى ما قلت ليك فى قروب مروى الادبى "إنت جميل وجدا " حصلنا بالبقيه !
مودتى

هلا و غلا و مرحباً بالأديب الحبيب عمر السرور . .
أنت ينبوع الجمال و الطيبة . .
هي واقعية و القصد منها التفاكر في موضوع سوف ينجلي لك بعد نهاية المنظر و ان شاء الله سوف أحاول أن أحكي مناظر و مناظر في هذا البوست و أتمنى أن أجد ءاراء و حلول لها هنا ربما يستفيد منها كل من يمر من هنا من زوارنا الكرام . . و خليك قريب . .

كل الود يا زول يا جميل

  رد مع اقتباس
 
 
 
 
قديم 08-01-17, 08:52 PM   #4
نائب رئيس مجلس الادارة
 
الصورة الرمزية عمر محمد علي ترتوري





عمر محمد علي ترتوري غير متواجد حالياً

من مواضيعي :
افتراضي رد: مناظر . . . في نظري مؤلمة . . .

لا. تندهده منتظرين بفارق الصبر

  رد مع اقتباس
 
 
 
 
قديم 10-01-17, 09:01 AM   #5
قريرابي ماسي
 
الصورة الرمزية عبد الرحمن (عطبرة)





عبد الرحمن (عطبرة) غير متواجد حالياً

من مواضيعي :
افتراضي رد: مناظر . . . في نظري مؤلمة . . .

اقتباس:
المشاركة الأصلية كتبت بواسطة عمر محمد علي ترتوري
لا. تندهده منتظرين بفارق الصبر

هلا بالغالي . . عمر السرور . . معليش بس شوية مشغوليات شدهتنا . . نواصل إن شاء الله . . .


تحياتي

  رد مع اقتباس
 
 
 
 
قديم 10-01-17, 09:24 AM   #6
قريرابي ماسي
 
الصورة الرمزية عبد الرحمن (عطبرة)





عبد الرحمن (عطبرة) غير متواجد حالياً

من مواضيعي :
افتراضي رد: مناظر . . . في نظري مؤلمة . . .

نواصل . . .

كنت في هذه الأثناء قد تخطيت جمع النسوة و بعضهن كان قد تقدمن سائرات للتسوق بعد أن حاولن في تخيف لوعة المثكلبة بكلماتهن عن هكذا حال الأولاد يلعبوا و يتحاوموا و يتأخروا عادي و بيرجعو البيت و لسا الوقت بدري و مثل هكذا كلمات . .
كنت أقول في نفسي في تحليل سريع لما مر بي من منظر . . حكاية غرق دي ما واردة . . الجو بارد و مافي شي يخليه يفكر يمشي البحر هو كدي ان شاء الله يقدر يستحم في البيت . . في هذا الجو البارد . . و كنت أقول مواصلاً تحليلاتي و التي تمنيت أن أتشجع و أتدخل بها مخاطباً الأسرة الباكية و لكني لم أتشجع لا أدري لماذا . . المهم أعلم يوجد في سوق الحي أكثر من ستة شاشات مشاهدة في باحة السوق المحاطة برواكيب الخضار و أكشاك الباعة من أفوال و ألبان و غيرها . . و كان تحليلي أن هذا الشبل ربما استغل يوم السبت المعروف أنه عطلة رسمية أضافتها الدولة الرشيدة الى الجمعة كأننا وصلنا من الترف لاختراعات و مشاريع شاركت في تنمية وطننا الكبير و يحق للناس أن ترتاح يومين في الاسبوع . . غايتو بيني و بين نفسي بقول يا ريت لو حذفوا إجازة الجمعة و كل الناس تجتهد و تخلص في شغلها و تطور امكانياته حتى نصل بعد كم قرن كدا لنهضة في كل المجالات و بعد ذلك يحق لنا أنا نشتغل يوم و نعطل يوم . . معليش شطحت شوية من الموضوع لكن بيقولوا أحلام اليقظة صحية . . ما علينا المهم كنت بقول في نفسي ان هذا الشبل المفقود ربما خرج بعد العاشرة بعد أن لهط الفول و ما تيسر من الطعمية و سلطة الدكوة ان تيسرت خرج و ربما يكون الى أحد زملاء المدرسة فالمثكلبة قد قالت و هي مستشهدة بجد الشبل: ان الشبل ليس لديه أصحاب و مافي زول بيجيهو في البيت حسب كلامها المصاحب للثكلبة . . عشان كدا شخصي الضعيف اقتبس من كلام احداهن كلمة زملانه في المدرسة . . المهم كنت بقول ربما ذهب الى أحد زملان المدرسة و بيكون عنده أتاري و لعبوا و لعبوا لما زهجو . . فمرقوا قريب العصر و مشوا الدافوري . . و ...

يتبـــــــــع

  رد مع اقتباس
 
 
 
 
قديم 10-01-17, 09:34 AM   #7
قريرابي ماسي
 
الصورة الرمزية علي محمد أحمد (أبورنس)





علي محمد أحمد (أبورنس) غير متواجد حالياً

من مواضيعي :
افتراضي رد: مناظر . . . في نظري مؤلمة . . .

شوف .. جنس الحركات دي .. ما بتنفع معانا


=====================

وينك يا غالي

  رد مع اقتباس
 
 
 
 
قديم 10-01-17, 09:46 AM   #8
قريرابي ماسي
 
الصورة الرمزية علي محمد أحمد (أبورنس)





علي محمد أحمد (أبورنس) غير متواجد حالياً

من مواضيعي :
افتراضي رد: مناظر . . . في نظري مؤلمة . . .

آها .. أنا جبت قهوتي وجيتك .. قدري أقدر أخفس

  رد مع اقتباس
 
 
 
 
قديم 10-01-17, 09:59 AM   #9
قريرابي ماسي
 
الصورة الرمزية عبد الرحمن (عطبرة)





عبد الرحمن (عطبرة) غير متواجد حالياً

من مواضيعي :
افتراضي رد: مناظر . . . في نظري مؤلمة . . .

اقتباس:
المشاركة الأصلية كتبت بواسطة علي محمد أحمد (أبورنس)

آها .. أنا جبت قهوتي وجيتك .. قدري أقدر أخفس

بالهناء . . خلي الجبنة في جبنة كبيرة و صغِّر الفنجان . .

  رد مع اقتباس
 
 
 
 
قديم 10-01-17, 10:09 AM   #10
قريرابي ماسي
 
الصورة الرمزية علي محمد أحمد (أبورنس)





علي محمد أحمد (أبورنس) غير متواجد حالياً

من مواضيعي :
افتراضي رد: مناظر . . . في نظري مؤلمة . . .

اقتباس:
المشاركة الأصلية كتبت بواسطة عبد الرحمن (عطبرة)
خلي الجبنة في جبنة كبيرة و صغِّر الفنجان . .


أهااااااااااااااااااااا .. دا الأنا خايف منو


  رد مع اقتباس
 
 
 
 
قديم 10-01-17, 10:17 AM   #11
قريرابي ماسي
 
الصورة الرمزية عبد الرحمن (عطبرة)





عبد الرحمن (عطبرة) غير متواجد حالياً

من مواضيعي :
افتراضي رد: مناظر . . . في نظري مؤلمة . . .

اقتباس:
المشاركة الأصلية كتبت بواسطة علي محمد أحمد (أبورنس)

أهااااااااااااااااااااا .. دا الأنا خايف منو




Thanks, Just Keep In Touch
I will support you

  رد مع اقتباس
 
 
 
 
قديم 10-01-17, 09:56 AM   #12
قريرابي ماسي
 
الصورة الرمزية عبد الرحمن (عطبرة)





عبد الرحمن (عطبرة) غير متواجد حالياً

من مواضيعي :
افتراضي رد: مناظر . . . في نظري مؤلمة . . .

اقتباس:
المشاركة الأصلية كتبت بواسطة علي محمد أحمد (أبورنس)

شوف .. جنس الحركات دي .. ما بتنفع معانا


=====================

وينك يا غالي

هلا هلا الحبيب الغالي أبو رنس . . أشواق كميات . . إن شاء الله كل الأسرة في خير . . و الله يا زول الحركات دي قدر ما حاولت أخليها هي أبت تخليني كدي حاول أقنعه . .
... جنبك يا غالي ...

  رد مع اقتباس
 
 
 
 
قديم 10-01-17, 06:04 PM   #13
قريرابي ماسي





احمد محمد صالح بادي غير متواجد حالياً

من مواضيعي :
افتراضي رد: مناظر . . . في نظري مؤلمة . . .

البطان...، البطان...، الواحد تكوسو في كُلْ مكان، حَتَّى في الزِحام،
والأم تبكى، والأب منزعـج، والجـيـران يَـوَلْـوِلـُوا، ويُوَاسِيْهُمْ الأرحام
ومَراتْ يبلغوا الشرطه، وهو المطموس كمَّلْ لعْبُوْ وجَا بَرَّاحَه في سَرِيْرُوْ نام
ومن مافيش خَلَقُوا مناسبه جابولا الحلاوه، وفى جماعه قَعَدُوا حَرَسُوُا الطعام


توقيع :
الغبشاوي
  رد مع اقتباس
 
 
 
 
قديم 12-01-17, 09:33 AM   #14
قريرابي ماسي
 
الصورة الرمزية عبد الرحمن (عطبرة)





عبد الرحمن (عطبرة) غير متواجد حالياً

من مواضيعي :
افتراضي رد: مناظر . . . في نظري مؤلمة . . .

اقتباس:
المشاركة الأصلية كتبت بواسطة احمد محمد صالح بادي

البطان...، البطان...، الواحد تكوسو في كُلْ مكان، حَتَّى في الزِحام،
والأم تبكى، والأب منزعـج، والجـيـران يَـوَلْـوِلـُوا، ويُوَاسِيْهُمْ الأرحام
ومَراتْ يبلغوا الشرطه، وهو المطموس كمَّلْ لعْبُوْ وجَا بَرَّاحَه في سَرِيْرُوْ نام
ومن مافيش خَلَقُوا مناسبه جابولا الحلاوه، وفى جماعه قَعَدُوا حَرَسُوُا الطعام

هلا الحبيب الغبشاوي . . مشكور على المرور الأنيق . . هكذا الحال معهم . .
كل الود

  رد مع اقتباس
 
 
 
 
قديم 12-01-17, 09:48 AM   #15
قريرابي ماسي
 
الصورة الرمزية عبد الرحمن (عطبرة)





عبد الرحمن (عطبرة) غير متواجد حالياً

من مواضيعي :
افتراضي رد: مناظر . . . في نظري مؤلمة . . .

و بعد الدافوري فكرت انه واحد من الأشبال قاليهم: اليوم في احدى شاشات المشاهدة بسوق الحلة حلقة مصارعة كااااربة أرح . . و انجر الأشبال خلف صاحب الفكرة المسلية الى الشاشة . . . كنت منساقاً مع تحليلاتي و انغمست فيها كأني أحد أفراد العائلة المتوترة في انتظار خبر عن الشبل . . في هذه الأثناء قطع صوت احدى النساء اللاتي تقدمنني الى السوق سلسلة تحليلاتي و هي تصيح: اهووو دا يا فلانة أهو دا . . نظرت أمامي محاولاً أن أتابع يد المرأة الممتدة مشيرة الى شبل من بين على ما أظن سبعة أشبال . . لم أتبين ملامح وجهه لكن جميعهم كانوا في سن واحدة تقريباً ثلاثة عشر ربيعاً و بحساب بلدنا ثلاثة عشر صيفاً . . المهم صمت الأشبال حينما سمعوا صوت المرأة المبشرة و التي ما زالت تصيح و ما زالت يدها ممتدة نحو الشبل و كأني بها تريد أن تخلع قميصه و تعود لتلقيه على وجه الجد مبشرة بحياة شبله . . .
حينما أفاق الأشبال و تبينوا ما حولهم انسل الشبل المقصود و أظنه يا داب قد تبين أنه قد ارتكب خطأ فادحاً بغيابه غير المعتاد لهذا الزمن من المنزل و جرى بأقصى سرعة في اتجاه المنزل . . .
و هنا تبدل حال المثكلبة و الجد من الحزن الى الفرح ثم الى . . . . . .

يتبــــــــــــــــــع . . .

  رد مع اقتباس
 
 
 
 
قديم 12-01-17, 06:45 PM   #16
قريرابي ماسي
 
الصورة الرمزية ابو ميسره





ابو ميسره غير متواجد حالياً

من مواضيعي :
افتراضي رد: مناظر . . . في نظري مؤلمة . . .

اهلا بعطبرة كلها

خذي قلبي إليك فقلبيِّه ترِي لا موضعاً للصبر فيه
وهل للصبر منـزلة بقلبي باسهمها النوائب تدَّريه


توقيع :
ا
مـن الهجرة تعلمنا الأخذ بالأسباب لتدبير أمورنا
ومن ثم التوكل على الله عـزّ وجـلّ

( فَاللَّهُ خَيْرٌ حَافِظًا ۖ وَهُوَ أَرْحَمُ الرَّاحِمِينَ )
  رد مع اقتباس
 
 
 
 
قديم 14-01-17, 01:14 PM   #17
قريرابي ماسي
 
الصورة الرمزية عبد الرحمن (عطبرة)





عبد الرحمن (عطبرة) غير متواجد حالياً

من مواضيعي :
افتراضي رد: مناظر . . . في نظري مؤلمة . . .

اقتباس:
المشاركة الأصلية كتبت بواسطة ابو ميسره

اهلا بعطبرة كلها

خذي قلبي إليك فقلبيِّه ترِي لا موضعاً للصبر فيه
وهل للصبر منـزلة بقلبي باسهمها النوائب تدَّريه

هلا بالحبيب أبو ميسرة . . أشواق كميات . .
خليك قريب . .
كل الود

  رد مع اقتباس
 
 
 
 
قديم 17-01-17, 11:51 AM   #18
قريرابي ماسي





احمد محمد صالح بادي غير متواجد حالياً

من مواضيعي :
افتراضي رد: مناظر . . . في نظري مؤلمة . . .

لمشاركة الأصلية كتبت بواسطة عبد الرحمن (عطبرة)
الأخيرة . . .

- طيب ليه لما يحصل موقف زي دا من أولادنا ليه ما نحمد الله على رجوعهم لينا و نحضنهم و نطبطب عليهم و نوريهم حبنا ليهم و نخليهم يفهموا لما عايزين يتأخروا أو يلعبوا نكون عارفين هم وين . .
لمشاركة الأصلية كتبت بواسطة عبد الرحمن (عطبرة)
الأخيرة . . .

الطبطيب يا أبا رنس وود أدْبَرَه موجود
لكـن أهـَلـْنـَا قَسَّمُوْهـُوْ لـَىْ: طَـبْ...طَـبْ
الفرق بيناتا البتعنيهم يقولوها قول، وناسنا بَىْ عُوُد،
لكن معاك حق، لأن الرَّيْده الفي القُلوُبْ، يعَلمْبَّهَا الْرَّبْ
التحية لكما

  رد مع اقتباس
 
 
 
 
قديم 17-01-17, 12:10 PM   #19
قريرابي ماسي
 
الصورة الرمزية عبد الرحمن (عطبرة)





عبد الرحمن (عطبرة) غير متواجد حالياً

من مواضيعي :
افتراضي رد: مناظر . . . في نظري مؤلمة . . .

اقتباس:
المشاركة الأصلية كتبت بواسطة احمد محمد صالح بادي
لمشاركة الأصلية كتبت بواسطة عبد الرحمن (عطبرة)
الأخيرة . . .

- طيب ليه لما يحصل موقف زي دا من أولادنا ليه ما نحمد الله على رجوعهم لينا و نحضنهم و نطبطب عليهم و نوريهم حبنا ليهم و نخليهم يفهموا لما عايزين يتأخروا أو يلعبوا نكون عارفين هم وين . .
لمشاركة الأصلية كتبت بواسطة عبد الرحمن (عطبرة)
الأخيرة . . .

الطبطيب يا أبا رنس وود أدْبَرَه موجود
لكـن أهـَلـْنـَا قَسَّمُوْهـُوْ لـَىْ: طَـبْ...طَـبْ
الفرق بيناتا البتعنيهم يقولوها قول، وناسنا بَىْ عُوُد،
لكن معاك حق، لأن الرَّيْده الفي القُلوُبْ، يعَلمْبَّهَا الْرَّبْ
التحية لكما

هلا بالغالي الحبيب الغبشاوي . .
حقيقة ابداء الحب و النصح باللين تؤتي أكلها أكثر من العود و العنف . . كنا كتير بنمشي البحر و أبوي الله يرحمه بيضربنا و كنا بنعاكس .. والدتنا ربي يبارك في عمرها و يديها العافية مره واحدة بكت و قالت لينا يا ولادي خلوا البحر دا أتذكر أنا بكيت معاها و وعدتها ما بنمشي و حقيقة بدل المشي يومي بقيت لما اتذكر الضرب أقوي راسي و أمشي و لما أتذكر قول أمي و بكاها أخجل يمكن شهر ما أمشي البحر تخيل هذا أتذكره الآن فالطفل حساس جداً تجاه شعور الوالدين . . فهو يفهم اللين على أنه خوف عليه لكن لا يفهم أن الضرب خوف عليه انما عقاب و كنا بنقول دقة و تفوت و لا حد يموت . .
كل الود

  رد مع اقتباس
 
 
 
 
قديم 17-01-17, 06:21 PM   #20
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: مناظر . . . في نظري مؤلمة . . .

العطبراوي الجميل

سلام وتحية وإحترام

الموضوع هادف وجميل وعليه تشكر

التربية في بلدنا إكتنفتها الكثير من العادات السالبة التي تراكمت على المدى البعيد لتشكل الشخصية المهزوزة لإنسان السودان ..... الكذب وهو أسؤها ... التسويف ... عدم التقدير الصاح للإمور ... الخوف والتخويف ود أمبعلو .... السحار .... عبد العيش .... البعاتي ..... الشكلوتة ....الضرب لأتفه الأسباب. إلخ
ولهذا السبب نشأ إحساسنا وفيه قدر كبير من السبهللية واللا مبالاة وتقدير الخطأ للإمور.

كسرة: كم من الشواكيش كان سببها أن الشاب لا يستطيع أن يصرح بحبه للحبيبة .... والسبب أننا نعتقد أن البنت المفروض تحس وتعرف بدون ما نصرح ليها ... والعكس هو الصحيح تماماً

أسف لأني مستعجل ولكن سأحاول العودة مرة أخرى فالموضوع يستحق


توقيع :
إذا فتحــت أبواب خيــر فأقبلــوا
موائــد أهــل الله خيــر الموائــــد

*******************
  رد مع اقتباس
 
 
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع

---
شارك هذا الموضوع مع أصدقائك على الفيس بوك
Share

الساعة الآن »12:31 AM.


Powered by vBulletin® Version 2017
.Copyright ©2000 - 2017, Jelsoft Enterprises Ltd
جميع الحقوق محفوظة لمنتديات القرير .Copyright ©2008- المواضيع المكتوبة تعبر عن رأي كاتبيها ولا تعبر عن رأي ادارة منتديات القرير free counters
شركة نوفــ العربية ــل