يوميــن .. تــلاتـه ..!! [ الكاتب : ود حمرى - آخر الردود : عمر محمد نور - ]       »     لسان حال زول [ الكاتب : عبدالمنعم محمد احمد - آخر الردود : زهير محمد سليمان - ]       »     العــــــــليش ضيفـــــــــاً ... [ الكاتب : عبد المنعم عبد الرحيم حضيري - آخر الردود : حسن العليش - ]       »     عثمان اليمني من الخالدين في ذا... [ الكاتب : عثمان الحليبي - آخر الردود : عبدالمنعم محمد احمد - ]       »     فرديوم المقنجر ماهوصابرو [ الكاتب : عبدالمنعم محمد احمد - آخر الردود : عبدالمنعم محمد احمد - ]       »     الحسين ود طـــــــه يناظر الت... [ الكاتب : بشيرعثمان بشير - آخر الردود : زهير محمد سليمان - ]       »     عااااجل : مقتل 5 ســـــودانيين... [ الكاتب : سليمان عبد الله محمد نور - آخر الردود : زهير محمد سليمان - ]       »     البحث عن الطائرة المفقودة يدخل... [ الكاتب : سليمان عبد الله محمد نور - آخر الردود : عبد المنعم عبد الرحيم حضيري - ]       »     حكمــــــــــة اليـــــوم [ الكاتب : احمد عبدالله جقلاب - آخر الردود : احمد عبدالله جقلاب - ]       »     اولاد المرحوم عادل رزق الله [ الكاتب : لبني محمد وداعة - آخر الردود : سليمان عبد الله محمد نور - ]       »     من كل نبع قطره ، ومن كل بستان ... [ الكاتب : احمد عبدالله جقلاب - آخر الردود : احمد عبدالله جقلاب - ]       »     منتديـات القرير تنعى الاستــاذ... [ الكاتب : ود حمرى - آخر الردود : احمد محمد صالح بادي - ]       »     ده بلودو وين [ الكاتب : محمد عثمان سرالختم - آخر الردود : احمد محمد صالح بادي - ]       »     لمسة وفاء للكامل محمد عثمان من... [ الكاتب : احمد عبدالله جقلاب - آخر الردود : احمد عبدالله جقلاب - ]       »     شقيقة الفنان ميرغني النجار في ... [ الكاتب : ميرغني النقي - آخر الردود : احمد عبدالله جقلاب - ]       »     الصين تبني فندقا من 30 طابق في... [ الكاتب : سليمان عبد الله محمد نور - آخر الردود : السر البشير - ]       »     أشجار على الرمال [ الكاتب : ابو ميسره - آخر الردود : ابو ميسره - ]       »     من البومى الخاص [ الكاتب : محمد عثمان سرالختم - آخر الردود : احمد محمد صالح بادي - ]       »     الهنود جابوا البليلي الخدرا [ الكاتب : مامان ود المدير - آخر الردود : مامان ود المدير - ]       »     مجلس إدارة مشروع القرير الزراع... [ الكاتب : بدوى عكود - آخر الردود : بشيرعثمان بشير - ]       »    

تسجيل خروج البحث تحكم العضو التسجيل الرئيسية


 
 
العودة   منتديات القـريـر > قــــائمة المنتديــــات > منتدى الحوار العام
 
 

الإهداءات

إضافة رد
 
أدوات الموضوع انواع عرض الموضوع
 
 
  #1  
قديم 13-10-10, 11:12 AM
الصورة الرمزية ود أب جَنِّي
ود أب جَنِّي غير متواجد حالياً
قريرابي برونزي
 





افتراضي هيئة حلمنتيش العليا

هيئة حلمنتيش العليا تجمع نشأ في جامعة الخرطوم في السبعينات وكان رئيس هذه الهيئة الدكتور محمد عبد الله الريح الشهير بحساس محمد حساس ...تخصصت هذه الهيئة أو سمها المدرسة في الأدب الهزلي من مقالات أو شعر ومنها استراحة ود الريح التي كان يكتبها في أحدى الصحف اليومية ( لعلها الصحافة) .. ومنها مجموعة أشعار المتجهجه الأممي ( د. أحمد الأمين ) وأشعار المتشلق بن المنبرش ( محمد الجاك الصراف) والمستعرب الخلوي... الخ
وقد اخترت لكم اليوم من أشعار الدكتور الأمين حسن العبد الشهير بالمستعرب الخلوي هذه القصيدة التي يقارن فيها بين حياة الريف والمدينة…….. آمل أن تنال إعجابكم وأن تكون واحة تستريحون فيها قليلاً.


(منقولة عن منتديات مرافئ الإبداع السودانية)
زى ما انتو يا الحلوين
خالين بال ومرتاحين
تاكلو رغيف
تاكلو خفيف
وكلو ظريف
انحنا هناك كمان عايشين !
نضرب خدرة بى كاتولة
نتمها موية بى دغلوبه
ناكل لوبا
بليلة فريك .. تخلى الزول يقيف انبوبة
تستفو تب .. تبرشمو تب
توقعو رب
وتبقى انفاسو فيها صعوبة
برضو كمان نكون عايشين
*****
وزى ما انتو يا الحلوين
فى الدور والقصور ساكنين
هناك الناس كمان ساكنين
ما فى فيلا ... فى راكوبة
بى شوك الكتر مزروبة
وفى حر الهجير منصوبة
بابها حصير وعادمه سرير
والسوسيو وقع فى الزير
والخمارة ليها هدير
ابوك بى غادى ليهو شخير
وكان درتوها يا الحلوين
بدل ريفدور تشمو لعوت
وتلقوا هناك طقم بنوت
دى شافعة صغيرة ميرودة
وناشفة تقول كراع شرموط
تشوفها تقول دى هسة تموت
واريتها تموت
اصلو الناس كتير بتموت
وديك بي غادى تتدخن
واحدة كمان بتتحنن
وشوف السمحة ديك مخطوبة
قاعدة تفلى فى حبوبة
وتلقى الحاجة بى قرقوبها
قاعدة هناك تهز فى روبها
شافع لونه زى الطوبة
فى نص راسو قامت قوبة
شايفو هناك بيقلب الهوبة
فى دكة بعر مكبوبة
برضو كمان نكون عايشين
****
وزى ما انتو يا الحلوين
اساميكم تدقر العين
ديك ياسمين وداك نزار
وديك سوزان وداك عمار
وداك امجد وديك ازهار
انحن هناك اسومنا كتار
اخوك حيمروك وود جانكوك
وابوك قجة .. واخوك عجة
واب قرجة .. واب عنجة
والهبرب وود عقرب وود العب
والبلى وابوى قنطور
وود كابور .. وجبر السيد
وعوض الجيد وود حقار
وجبر الدار .. والشعار وسعدية
اسامى كتيرة منسية
اصلكم انتو يا الحلوين
اكلتو حقوقنا زندية
وطرتو هناك سهيتو
مع النفخة الاوروبية
نسيتو الكعة وام دلدوم
بقيتو تضربو كارتية
وقلتو دى هى المثالية
الا وحاتكو يا الحلوين
حياتكم مرة ما بتندار
حياة النفخة والبوبار
وابدا ما بتكرمو الضيف
وما بتراعو حق الجار
وعاد يوم يقطع التيار
تلقاكم صغار وكبار
تقول صبرا ضرب جحّار
****
حياتكم باقية زيف فى زيف
حياة البهجة والتخفيف
والثلاجة والتكييف
وابدا ما بتعرفو الصيف
وما ضقتوها زنقة جوعة
فى الحواشة ضهرية
وما جربتو جر واسوق
ولا شلتوها طورية
ولا سيّل عرقكم يوم
لمن بل السديرية
****
جلودكم باردة يا الحلوين
تقومو من الصباح هاشين
دوام قاجين ومبتهجين
انا التعبان انا المغلوب
قفل عينى ابو الضبضوب
يطقطق جسمى للعرقوب
تقول سعنا وقف كرتوب
يكون فى بطنى باقى هبوب
اتمها رووووب
واقيف تيوة

من مواضيعي :
رد مع اقتباس
 
 
 
 
قديم 13-10-10, 02:11 PM   #2
الادارة الفنـــــية
 
الصورة الرمزية ابوالقاسم عكود





ابوالقاسم عكود غير متواجد حالياً

من مواضيعي :
افتراضي رد: هيئة حلمنتيش العليا


قصيدة جميلة تشكر على اختيارها يا ود اب جني

يا ريت لو تزيدنا من امثالها ...

سؤال ( اين هذه الهيئة الآن ) ؟؟؟


توقيع :
وللأوطان في دم كل حر
يد سلفت ودين مستحق
  رد مع اقتباس
 
 
 
 
قديم 13-10-10, 03:58 PM   #3
مراقب
 
الصورة الرمزية ود حمرى





ود حمرى غير متواجد حالياً

من مواضيعي :
افتراضي رد: هيئة حلمنتيش العليا

ود اب جنى ... عوافى
لك التحية على هذه الاستراحة الرائعة ....
نعشم فى المزيد ...
ننتظرك دوام ...
تانى شكراَ ليك كتير ..


توقيع :
طين جروفي المني روح .. شـــالو هـدام الدميري
مابكاهو قليبي منح .. شان هو يوم بطلع جزيري

،،حميد،،
  رد مع اقتباس
 
 
 
 
قديم 13-10-10, 07:30 PM   #4
قريرابي فضي
 
الصورة الرمزية سامي عثمان علي





سامي عثمان علي غير متواجد حالياً

من مواضيعي :
افتراضي رد: هيئة حلمنتيش العليا

لك تحياتي ود أب جنى


توقيع :
حيكومات تجي وحيكومات تغور
تحكم بالحُجِي والدجل الكجور
مرة تلف تدور أو تحرق بخور
كل السُقتو مات باقي على التمور وأرضك راقدي بور
لا تيراب وصل لا بابور يدور
  رد مع اقتباس
 
 
 
 
قديم 14-10-10, 02:43 PM   #5
قريرابي برونزي
 
الصورة الرمزية ود أب جَنِّي





ود أب جَنِّي غير متواجد حالياً

من مواضيعي :
افتراضي رد: هيئة حلمنتيش العليا

اقتباس:
المشاركة الأصلية كتبت بواسطة ابوالقاسم عكود مشاهدة المشاركة

قصيدة جميلة تشكر على اختيارها يا ود اب جني

يا ريت لو تزيدنا من امثالها ...

سؤال ( اين هذه الهيئة الآن ) ؟؟؟
الأخ عكود ... لك الشكر على مرورك الكريم وسنزيد بعض التفاصيل لتطور هذه الهيئة إن شاء الله
وأهدي لك هذه القصيدة المنقولة من منتدى التوثيق الشامل

سستر
المتجهجه الأممي


أنا العيان
حرارتي الضاربة فوق ميتين
و لا بينفع بخور تيمان
ولا بتنزل بنوفالجين
رقدت سنين
سريري تعب
مركب فوق وريدي درب
تعب و رعب
جحر عيني يدخل فارة أم سيسي
و أجرجر نفسي بالسيسي
أتقول مخنوق
مصنقع فوق
و كل ما يوم يشيلوا الدم
يزيدوا الهم
يقولوا مقاسو طالع كم.. و طالع كم
و أنا الساكت و غالبني
و غالبني
محل ما أشوفها أتكلم
و ما بسلم
و حاتي البلي و الشمبر
و كان قمت
بقع في السلم أتكسر
عشان تظهر
تمر بسراير العنبر
و تاخد نبضي بت سستر

عيونها الزي عيونها براها
تطعن بالإبار مرضاها
و إبرة تريكو في منديل
وما بتتعب
تكركب في البلاط كركب
وقلبي يدق يسو رب رب
و ناري الليلة تتعلب
دا عنبر كم؟ و شايل كم؟
دكاترتو كم؟
و فد سستر؟؟؟

تجهجه في خلايق الله
و أنا العيان
حرارتي المابية تتدلى
أدوش دوشة
أهضرب هضربة زولا
رقد في برشو خت رويسو فوق بنبر
و لما الناس تقول هستر
وتتغالط.. أظن هستر
أظن شيزو.. أظن بامية.. أظن كستر
أدق الطارة وأتحكر
أدوبي أشكر السستر
أوصف في بنات آوى
كضب كان قالوا بتداوى
و فاضل في المداواة الكي
و ما ظنيتو ينفع في
أدوخ كلما العيون ترمش
و لما السلسلة تكشكش
أزوغ أتضارى في الكوريدور
واخدر لابسة بقت نور
و خاتة الكاب على جنبة
و راشة الريحة فايحة زهور
تموت كرعي
أقع و أزحف وراك طرطور
عشان أرتاح
عليك الله و عليك الله
تفجخي راسي بى ساطور

  رد مع اقتباس
 
 
 
 
قديم 14-10-10, 02:46 PM   #6
قريرابي برونزي
 
الصورة الرمزية ود أب جَنِّي





ود أب جَنِّي غير متواجد حالياً

من مواضيعي :
افتراضي رد: هيئة حلمنتيش العليا

اقتباس:
المشاركة الأصلية كتبت بواسطة ود حمرى مشاهدة المشاركة
ود اب جنى ... عوافى
لك التحية على هذه الاستراحة الرائعة ....
نعشم فى المزيد ...
ننتظرك دوام ...
تانى شكراَ ليك كتير ..
المبدع ود حمري تسلم يا أخي وستجد قصيدة سستر في هذا البوست وكلما وجدنا قصيدة لأحد هؤلاء الأفذاذ سوف ننقلها لكم بإذن الله

  رد مع اقتباس
 
 
 
 
قديم 14-10-10, 02:47 PM   #7
قريرابي برونزي
 
الصورة الرمزية ود أب جَنِّي





ود أب جَنِّي غير متواجد حالياً

من مواضيعي :
افتراضي رد: هيئة حلمنتيش العليا

اقتباس:
المشاركة الأصلية كتبت بواسطة سامي عثمان علي مشاهدة المشاركة
لك تحياتي ود أب جنى
شكراً على مرورك ولك خالص التحية

  رد مع اقتباس
 
 
 
 
قديم 14-10-10, 03:59 PM   #8
مشرف المنتدى الاسلامي
 
الصورة الرمزية سيف الدين محمد الامين





سيف الدين محمد الامين غير متواجد حالياً

من مواضيعي :
افتراضي رد: هيئة حلمنتيش العليا

شكراً لك ود ابجني على فتح هذا البوست لشعر الفكاهة ـ ولعلك تعلم أن عضو المنتدى شقيقي (نجم الدين محمد الامين ) هو أحد أعمدة هذه الهيئة واسمه الحركي ( حُوامة بن لواصة الكدرابي) واختصارا يسمى بـ (الكدرابي) ،، وليتك - بحكم قربك منه - تدفعه لتفعيل مشاركاته عن طريق هذا البوست وينزل لنا من قصائده ،، طبعاً أنا كنت اشارك معهم من على البعد بارسال قصائدي لنجم الدين ليتولى نشرها أو إلقاءها إنابةً عني ، وأذكر أنني كنت قد حكيت له قصة رحيلي المتكرر من منزل الى منزل في الرياض حتى بلغت اكثر من 13 منزل ، وفي أحد الأيام سألته بأن يختار لي اسماً حركياً في حلمنتيش فتذكر هذه الحكاية فقال لي : ( حقو نسميك : المُسَتِّف العَفَشي ) وبالفعل تسجلت في (منتدى التوثيق الشامل) قسم الحلمنتيش بهذا الاسم ، وبالمناسبة أشقاءنا التوأم عضو المنتدى (شمس الدين محمد الامين) بالرياض ، (عز الدين محمد الامين) بأيرلندا أخذوا في حلمنتيش مسميات (شمسون الفرفار) و (وزهجو ابن مكلوم) على التوالي ، ولهما في هذا المجال باع .. رداً لى استفسار عكود فإن هيئة حلمنتيش موجودة ولها مشاركات داخلية .. آمل ان اشارك ببعض القصائد في هذا البوست


توقيع :

[ كل ابن أنثى وإن طالت سلامتُهُ * يوماً على آلةٍ حدباءَ محمولُ ]
  رد مع اقتباس
 
 
 
 
قديم 14-10-10, 04:04 PM   #9
مشرف المنتدى الاسلامي
 
الصورة الرمزية سيف الدين محمد الامين





سيف الدين محمد الامين غير متواجد حالياً

من مواضيعي :
افتراضي رد: هيئة حلمنتيش العليا

هذ القصيدة كانت في مناسبة فقداني لحاسة الشم :


[color="red"](شمّة)

شَـمَّــة يـا أهــل الـشـمــومـــة
شَـمَّــة نـحـتـفِـــي بـى قـدومـــا
وعـاد نـكـتِّـــر لـيـهــا كـومــــا

ونــفــرش الــشــارع أزاهــر مـن" سـواكــن " ولـى" أرومــا
ونـمـشــي فـي وسـط الـجـنـايــن فـي"الـقُـريـر نـَدِّيـهــا حومـة
وعـاد نـشـمـشِــم مـنـقــة مَــرَّة، وتـَمْــرَة مــرَّة ، ومـرَّة دومــة

شَـمَّــــة لــو كـانــت زِبــالــة
والــلاَّ ريـحــة إسـتـِـبــالــــة
أو بـواقــي مـن الـتِّـفــالـــة

إنـتــي بـس يـا شـمـــة زوري ، وشـوفــي نِـخْـريـنـَّـا وهـمـومـــا
عـايــشـــة أحــزان الـلَّـيــالـــي وفـاقْـــدة إحـســـاس الـشَّـمـــومــــة
لا نــســيـــم يـَدِّيـهـــا لـفــحــــة ، ولا يــقــــرِّب مـــن تُــخــومــــا

لو مُـلاح بـايت مَعُـوفِـن
أو رغـيـف عَـتَّـت مَصُوفِـن
الـمَـنـاخـيـر يـَعَـمَـى شـوفِــن

ونـبـقـى نـضـرُبْ فـي الـتَّـبـايـِـخ بـى خَـبـوبــا وبـى شـحـومــا
ونـنـتـــح الـبـيـبـســـي الـمُـبَـــرَّد ، ويـــلاَّ عــاد نـدَّيـهــا نــومـــة
والـبـَطـُــن مـسـكـيـنــة تغـلــي ، ودار تـطـرشــق مــن سُـمــومـــا

نـحـنــا لــو الـغـــاز تـســرَّبْ
والـلاَّ قـام الـتـنــكِ هـــرَّبْ
والـلاَّ كـلّ الـجــوْ تـَكَـهْــرَبْ

مـا بـنَـحِــس خـطـــر الـمُـصـيــبـــة ، إلا لــو سـالـــت دُمــومــــا
حـاســة الـشــــم أرحـمـيـنـــا ، وعـــودي خـَلـِّيـهَـــا الـخـصـومـــة
كـيــف بـَــلاكْ تـِرتــاح أُنـوفـنـــا وهِـيَّـى فـاقــدة حـنــان أُمـومــة [/
color]

  رد مع اقتباس
 
 
 
 
قديم 16-10-10, 01:25 AM   #10
مشرف المنتدى الاسلامي
 
الصورة الرمزية سيف الدين محمد الامين





سيف الدين محمد الامين غير متواجد حالياً

من مواضيعي :
افتراضي رد: هيئة حلمنتيش العليا

ولا شلتوها طورية
ولا سيّل عرقكم يوم
لمن بل السديرية




أظن ان الصحيح في الشطر الثاني ( بلّل للسديرية) ليستقيم الوزن

  رد مع اقتباس
 
 
 
 
قديم 17-10-10, 09:31 AM   #11
المشرف العام
 
الصورة الرمزية سليمان عبد الله محمد نور





سليمان عبد الله محمد نور غير متواجد حالياً

من مواضيعي :
افتراضي رد: هيئة حلمنتيش العليا

الرائع ود ابجني
تحية واحترام
علي ما اعتقد ان شاعرنا محمد سعيد بادي العكودابي(المتجكم العلفي) كان رئيس هيئة حلمنيش العليا ومن مؤسسيها وله قصيدة تعريفية:ــــ
انا المتجكم العلفي
انا المتمسخر الشنفي
انا المتمخت القرفي
انا المخيت انا النجخفي
انا البرميل ودمي تقيل
انا السيردباك انا الهاف ماش
انا الاسطوبر القشاش
انا المفطوم بع ما زدت فوق سنتين
ازحزح ليك جنب الدوكي اجلبط ليك وشي عجين
انا الجكموز
احبذ ليكا اكل الموز
سبايط الموز
شراب البيبسي بالبرميل غرف بالكوز


القصيدة طويلة وان ما حافظا
واصل يا ود ابجني


توقيع :



  رد مع اقتباس
 
 
 
 
قديم 17-10-10, 11:47 AM   #12
قريرابي برونزي
 
الصورة الرمزية ود أب جَنِّي





ود أب جَنِّي غير متواجد حالياً

من مواضيعي :
افتراضي رد: هيئة حلمنتيش العليا

المتجهجه الأمممي

يا الله حي


يا الله حي
ياني الزمان البحكو بي
و الليله عاد جني القديم
فار ، قام عليّ

بطلع في راس البيت نهار
أعرض أتور في العلال
أسمع طبول بتدق لي
دق دق ددق
يا الله حق
طق طق ططق
الحيطه سالمه و مافيها شق
تل تل تتل
حجاره تقع من راس جبل
كر كر كرو
الكيتا ضاربه
و خالقه جو
و دق دق ددق
حداد يسمكر في حُقق
و دق دق ددق
البت رموشا تقول درق
شبه الQueen
بت الورق
لمحا الوليد
بالكولا قرقر و إنشرق
لبعوه زي زول إنخنق

أكل السجار الشيالو ني
يا الله حي
فارس هلال
ولداً صِبيّ
ضكران يفوح
دخان تمام
ولداً شِقيّ
بينادي لي :
أعمل صفا
ضم إنتباه
قم راقداً
أرقد قيام
قم بس كفــا
أمرق جري
و كيف اوصفا
البت دي تب
ما بعرفا
بعرف رموشا
اللاعبه بي
كان مته فجأه
منو البقوم
يردح علي
الفاتحه لي ... الفاتحه لي

  رد مع اقتباس
 
 
 
 
قديم 17-10-10, 11:57 AM   #13
قريرابي برونزي
 
الصورة الرمزية ود أب جَنِّي





ود أب جَنِّي غير متواجد حالياً

من مواضيعي :
افتراضي رد: هيئة حلمنتيش العليا

اقتباس:
المشاركة الأصلية كتبت بواسطة سليمان عبد الله محمد نور مشاهدة المشاركة
الرائع ود ابجني
تحية واحترام
علي ما اعتقد ان شاعرنا محمد سعيد بادي العكودابي(المتجكم العلفي) كان رئيس هيئة حلمنيش العليا ومن مؤسسيها وله قصيدة تعريفية:ــــ
انا المتجكم العلفي
انا المتمسخر الشنفي
انا المتمخت القرفي
انا المخيت انا النجخفي
انا البرميل ودمي تقيل
انا السيردباك انا الهاف ماش
انا الاسطوبر القشاش
انا المفطوم بع ما زدت فوق سنتين
ازحزح ليك جنب الدوكي اجلبط ليك وشي عجين
انا الجكموز
احبذ ليكا اكل الموز
سبايط الموز
شراب البيبسي بالبرميل غرف بالكوز


القصيدة طويلة وان ما حافظا
واصل يا ود ابجني
أخي سليمان لك التحية وتشكر على المرور
مؤسس هيئة حلمنتيش العليا هو د. محمد عبدالله الريح ( حساس محمد حساس) ... وشاعرنا الكبير ود بادى ظهر بعد جيل الفطاحل من شعراء حلمنتيش أمثال المتجهجه الأممي والمستعرب الخلوي والمتشعلق بن المنبرش ود. عمر محمود ( يا سيدة لا) وقد عاصرنا تلك الفترة وكنت أكتب تحت اسم (تشعلق خلطاً).. ثم تلت أـجيال آخرها حسب علمي جيل حوامة بن لواصة الكدراوي وهو قدم أعمالا شارك فيها ود الصراف ( المتشعلق بن المنبرش)

  رد مع اقتباس
 
 
 
 
قديم 21-10-10, 08:53 AM   #14
قريرابي برونزي
 
الصورة الرمزية ود أب جَنِّي





ود أب جَنِّي غير متواجد حالياً

من مواضيعي :
افتراضي رد: هيئة حلمنتيش العليا

الاستيكة

المرحوم محمد اسماعيل (بورفيسور جاغوم بن بلاع)
كان الشاعر جالساً في المكتبة وجاءت طالبة جلست بجواره وأخرجت قلم رصاص وبدأت تقرأ وتلخص ما تقرأ ... أخطأت في الكتابة وأستأذنت الشاعر بقولها تسمح وأخذت الاستيكة من أمامه .. ثم أعادتها ... بعد قليل أخطأت وهذه المرة أخذتها بدون أن تقول له تسمح ثم وضعتها أمامها .. الهواء حرك منديل الفتاة وغطى الاستيكة .. ثم أرادت الخروج وأخذت المنديل وبداخله الاستيكة من غير أن تشعر ووضعته في شنطتها وخرجت فكتب الشاعر هذه القصيدة التي أضفنا بعض الأبيات التي لم يذكرها الأخ عثمان عند نقله لهذه الأبيات فله العتبى حتى يرضى


تسمح؟؟
وكيف يا الحلوة ما بسمح
اصابعى العشرة تكتب ليك
وقلبى استيكة للغلط يمسح
يدوب بين اصبعين حلوين
يتوه وسط السطور يشرح
ولمن تنتهى الكلمات
يخش فى الشنطة فى منديل
ونمشى القهوة نتفسح

هناك عاشق يطيع سحرك
يجيب الفانتا شان امرك
تختى الشنطة فى حكرك
وقلبى الدايش وسط منديل
يسكلب يسوي حي وا ليل
وجوه الشنطة يتمرجح
وترجعى ثانى يا الحلوة
تلقينى راجيك هناك مصلوب
اشوف الناس طشاش فى طشاش
واقرا سطورى بالمقلوب
وأنا اتكبكب
وأرمي الكرسي أوب سوري
وأدقش الجنبي أوب سوري
وعند الكاونتر أوب سوري
ونمشي هناك لي ركناً بعيد وقصي
أعاين ليك تدنقري أنت
تعايني لي أدنقر أنا
وتاني نعيد القصة من أول
أعاين ليك تدنقري أنت
تعايني لي أدنقر أنا
وتفري البسمة تضوي سنة
وأقول ليك والله الزول
وما قادر أقول
تقول: قول يعني
وما تخجل وتتعقد
انا اتعقد؟؟
ازح جنبك ..ازيد الخلطة تسبيكة
واقول ليكى ..بى صوتا ندى ورائع
يفيض رقة ومزيكة
من فضلك... وأترجاك
ترجعى لى الاستيكة

  رد مع اقتباس
 
 
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن »02:17 PM.


Powered by vBulletin® Version 2014
.Copyright ©2000 - 2014, Jelsoft Enterprises Ltd
جميع الحقوق محفوظة لمنتديات القرير .Copyright ©2008- المواضيع المكتوبة تعبر عن رأي كاتبيها ولا تعبر عن رأي ادارة منتديات القرير free counters
شركة نوفــ العربية ــل