المهرجليــــــــــــــــــــن

الكلمة دي .. جاتنا من وين يا أهل اللغة والتوثيق

يبقالي مافي شعب قعد يستخدمها غير السودانيين !!

بحثت عنها في القاموس لقيت كالآتي :

هرجلَ / هرجلَ في يهرجل ، هَرْجَلَةً وهِرْجالاً ، فهو مُهَرْجِل ، والمفعول مُهَرْجَل فيه:
• هَرْجَلَ الرَّجلُ اختلط مَشْيُه " هرجل من شدَّة التَّعب " .
• هرجل في أعماله : أدّاها بشكل غير منظَّم ، لم يسلك فيها مسلك النِّظام " مَنْ هرجل في عمله لم ينجحْ " .

------------------

عندنا نحن معناها الزول المشاغب كثير الكلام في الفصل !!


===============

على كل حال .. لو تم تعيينك ألفة المنتدى ...

حا تكتب منو في قائمة المهرجلين ؟

------------------

بالنسبة لي أنا ، أول زول جاء في بالي (صديق الحسين)

زمان كان ممكن أكتب طارق الأسطى، لكنو خفف من مشاركاتو

بالتالي الهرجلة حقتو خفت


وتاني زول (سليمان ود نفيسه) ، بالرغم من كونو زول هادي

وما بتاع مشاكل ، لكن اخترتو حقاره ساكت


وفي بالي (زهير) لكن ملخبطني شوية ، لأنو الهرجلة حقتو

قعد تكون قبل بداية الحصص ، وأثناء الفسح


ومن المهرجلات (لبنى محمد وداعة)


وما أنسى ود عمي (عدي) ، هرجلة من النوع الخفيف

ياابورنس كمان في ناس مهرجلين والالفة بيخت قدام اسمهم صليبين يعني متمادي وعنيد في الهرجلة (عاصي) وده زي ناس ودحمري وود ابنعوف وعبد الرحمن عطبرة وجبر الدار ودرماس اصلو خلو ساكت

ذكرتني يا ابو رنس قصة حاصلالنا :

عندنا ود اختنا : طلال مبارك سيداحمد وهو اسع زول بقى راجل واتخرج من الجامعة ..
زمان لمن كان في الابتدائي مشاغب من الدرجة الاولى بعدين يدرس في مدرسة خاصة وعاملهم فيها عبد الرحمن يا زهير .. المهم المدرسين عاملنو (الفة)
يوم انا شايف امو في الاوضة تراجع معاهو في دروس باكر ، حلّت معاهو كل الواجبات وقالتلو خلاص بعد كده امش نوم عشان تقدر الصباح تصحى بدري قالها خلاص ..
جات مارقي في الحوش وبعد ربع ساعة نادتو :
الام : يا ولد تعال ارقد
طلال : كويس يا امي
الام بعد 5 دقايق : يا ولد ما تجي تتخمد تنوم ..
طلال : يا امي دقايق بس .. وبعد 3 دقايق جاها طالع ..

الام : انت انا الواجبات قبييل حليتن معاك ... المقعدك كتير في الاوضة شنو ؟
طلال : بكتب في المهرجلين..


ابو رنس : بعودتك للمنتدى يعود كل الالق وكل الجمال (فيا مرحا )
عندي ليك سر : طارق الاسطى باكر او بعد باكر بالكتير تلقاهو معانا هنا ..
وموش كده وبس : عوض الله باشاب شخصيا
وازيدك : محمد حسن آدم (طعمية)
شفت رجوعك جاب منو ؟
خليك قريب

مرحب ابو رنس

تكون يا ها دي " لم يسلك فيها مسلك النِّظام "
غايتو زمان انا أي ورقة مهرجلين مكتوب فيها

وياما اتكسرن فوقنا سيطان نيم

يا خي ما جاي تبوك زيارة ؟

كان عندنا الفه قاصدنى انا والقاعد جنبى لو سمع صوت
وما عرف الزول الاتكلم طوالى يكتبنا نحن وكنت بحتج للاستاذ
وتكون نتيجه الاحتجاج زياده الجلد وفى يوم جاء الاستاذ والالفه نده المهرجلين
بلا اسمع اسمى وزولى المعاى بس طوالى وقفت فوق الكنبه وقلت للاستاذ
عشان اوريك الالفه دا قاصدنا فلان القاعد جنبى الليله غائب ما جاء وتم تأنيب الالفه وتغييره
لكن برضو اخدت جلدتى لاننى وقفت فوق الكنبه لكن الالفه الجديد بقيت لو وقفت فوق الكنبه وصفقت وغنيت
ما يكتبنى.
غايتو لو بقيت الفه
اول اتنين بكتبهم صديق وزهير
لانو دائما بتكلمو مع بعض
وتانى محمد يونس قصد كدى عشان كتبنى مع المهرجلين العاصيين
وبرضو الزعيم حضيرى بكتبو ما بتكلم لكن بفلع

أنا برشح محيريق يكون ألفا للغياب بس
والهرجله الحمد لله الناس القدامى ديل كلهم ما مهرجلين
طبعاً د. عوض وأبو شيبه ما قدامى

أبو رنس . . بركة الجيت بركة الجييييت آااااي
سمح انت و بسكوييت آااااي
آزووول و الله بلاك خرباني اياك ثم اياك تعمل كدا تاني ...
ما تطول الغيبة ...
رمضان كريم و كل سنة و انت في هناء . .
شايف سيد عقرب ختاني في خانت مهرجل و كمان قدامي اتنين كرووس
و أنا من شفت اسم البوست قلت سيد عقرب أول زول رح يكون مهرجل و عاصي ابو تلاته كرووس
غايتو أنا في الابتدائي كنت مهرجل درجة أولى لكن في المتوسطة و الثانوي بقيت زول مسكين الكديسة تاكل عشاي ما عارف ليه و الحكايي دي للحين مزعلاني
غايتو بالاضافة للمهرجلين المذكورين أعلاه أضيف أخوي بابكر محمد أحمد
و قدامو خمسة كرووووسات ...
و بقترح يكون الألفة ود نفيسة عشان نتكافى هرجلتووو
كل الود

ود عطبره أنا كان مهرجل صاح كنت صت أمدرمان وجيتك فى محلك
تصدق أنا لى شهرين فى الخرطوم ومشيت أمدرمان مرتين لبكا ومره عزاء !!!!!

ابو رنس تحياتي وكل المشاركين ليكم الف تحية انا زمان معلم الفصل قال لي انت الالفه جاء يوم ونحن في المذاكره من عند الشباك وكان الدنيا شتاء (برد...صقط) ما تقول لي دي جبناها من وين؟ وعينو ما تشوف الا الالفه خشمو يكوضم وفننننننننننننن .... وفننننننننننننن لآخر الصف... بعد دقيقه الصف صنه.. وانا بقيت اتلفت شمال يمين ما في شئ... عندنا واحد مشاغب درجة اولي .. محمد واحده بس...... وفي اللحظه دي دخل المعلم وانا فننننننننن... شال مني الشنطه قال لي تعال الصباح قبل الطابور. بس الظاهر القنديله المعزوله عزل عجبتو ... ما عمل لي شئ غير لقيت الشنطه ما فيها التكتحك.... تحياتي ابو رنس انا بقول ليك اكبر المهرجلين هو عبدالعظيم علي محمد سعيد دا كلو كدسا وكلاب وعقارب وفي النهايه بقي يكوس في درب النمل.. ربنا يديهو الصحة والعافية ويديهو بت الحلال آمييين يا رب..

المشاركة الأصلية كتبت بواسطة محمد يونس

وود ابنعوف

ود ابنعوف دا .. سجلو في لستة الغائبين

يعني أول ما يظهر توديهو على المدير فوراً ولازم

يجيب ولي أمرو معاهو

المشاركة الأصلية كتبت بواسطة سليمان عبد الله محمد نور

[size="5"][color="purple"]ذكرتني يا ابو رنس قصة حاصلالنا :

عندنا ود اختنا : طلال مبارك سيداحمد
ابو رنس : بعودتك للمنتدى يعود كل الالق وكل الجمال (فيا مرحا )
عندي ليك سر : طارق الاسطى باكر او بعد باكر بالكتير تلقاهو معانا هنا ..
وموش كده وبس : عوض الله باشاب شخصيا
وازيدك : محمد حسن آدم (طعمية)

أنت الألق وكل البهاء .. عزيزي سليمان

تعرف أول ما كتبت الموضوع .. اتذكرت قريبك د

بقيت أضحك براي .. غايتو مافي زول سبقو عليها


----------------

والله يا سليمان بشارتك سمحه بالحيل

ديل ناس عزيزين .. ودورهم في المنتدى مؤثر فعلاً

نحن في انتظار تشريفهم حتى يزداد المنتدى إشراقاً

المشاركة الأصلية كتبت بواسطة محمد احمد ابراهيم

وياما اتكسرن فوقنا سيطان نيم

يا خي ما جاي تبوك زيارة ؟

حباب أبو سارة ..

ظاهر عليك كنت غلباوي ..

بس عامل لينا فيها مسكين هنا في المنتدى

---------------------------

تاني يازول لا تبوك لا (تمك)

الله ييسر لينا أمورنا في بلدنا دي


قول آمين

المشاركة الأصلية كتبت بواسطة جبر الدار محمد جبر الدار

وبرضو الزعيم حضيرى بكتبو ما بتكلم لكن بفلع

حلوة بفلع دي .. يا جبر الدار

يا ربي بفلع بشنو؟ بباقي الطباشير وللاّ بكرفس

الورق ويخبط بيهو الناس ؟


يازول كان داير الفليع .. عليك بعوض عبد الله طه

ما تستبعد يكون شايل ليهو لستك حق القروش

وعاملو نبله

المشاركة الأصلية كتبت بواسطة بابكر محمد أحمد دفع الله

أنا برشح محيريق يكون ألفا للغياب بس
والهرجله الحمد لله الناس القدامى ديل كلهم ما مهرجلين
طبعاً د. عوض وأبو شيبه ما قدامى

محيريق .. فعلاً ينفع ألفة المنتدى

(ألفة دي .. ما لفيت ليها معنى) لكن واضح إنها تعني حفظ النظام

أما د. عوض .. أغلب وجودو حا يكون في لستة الغائبين

هو والعامرابي وود ابنعوف

المشاركة الأصلية كتبت بواسطة عبد الرحمن (عطبرة)

غايتو بالاضافة للمهرجلين المذكورين أعلاه أضيف أخوي بابكر محمد أحمد
و قدامو خمسة كرووووسات ...
و بقترح يكون الألفة ود نفيسة عشان نتكافى هرجلتووو
كل الود

حباب الغالي .. ياخي أنا مغروض فيك

بس خليني أرتب أموري !!


بابكر دا .. كفاهو الدق الدقوهو ليهو في المدرسة

فكرة تتكافى هرجلة ود نفيسه ، جاتني لما فكرت في صديق الحسين

لكن قلت في نفسي .. لو سويناهو ألفه (حا يكتب نفسو أول شيء

في لستة المهرجلين ، وما تستبعد يكتب الأستاذ والمدير كمان )

المشاركة الأصلية كتبت بواسطة محمد ابراهيم حمدناالله

انا زمان معلم الفصل قال لي انت الالفه المهرجلين هو عبدالعظيم علي محمد سعيد دا كلو كدسا وكلاب وعقارب.. ربنا يديهو الصحة والعافية ويديهو بت الحلال

آمين .. ربنا يديهو عروسات مش عروس واحده

مرحب أبو إبراهيم ..

أنا مستغرب الأستاذ دا سواك ألفه كيف ؟

ياخي انت هرجلتك ظاهرة في أحمد ولدك

مشاغب من العيار التقيل (ربنا يحفظو)


--------------

عبد العظيم .. الله يرد غربتو عن المنتدى ويسهل ليهو المشاركة

الزول دا .. من النوع البعجب المدرسين .. انت ماك عارف إنو

عامل جمعية ومسميها (ضل الدومي)

سلام زمان انا كنت في مدرسة القوز الابتدائية كنت بجيب للالفة مدينيات او منقاية من حي الشاطئ عشان ماتكتب اسمي

المشاركة الأصلية كتبت بواسطة علي محمد أحمد (أبورنس)

آمين .. ربنا يديهو عروسات مش عروس واحده

مرحب أبو إبراهيم ..

أنا مستغرب الأستاذ دا سواك ألفه كيف ؟

ياخي انت هرجلتك ظاهرة في أحمد ولدك

مشاغب من العيار التقيل (ربنا يحفظو)


--------------

عبد العظيم .. الله يرد غربتو عن المنتدى ويسهل ليهو المشاركة

الزول دا .. من النوع البعجب المدرسين .. انت ماك عارف إنو

عامل جمعية ومسميها (ضل الدومي)

اورنس يا اخوي أحمد حاجه كدا ما ليها مثيل يعني فلته .. والله فعلا يحير ..اما عبدالعظيم فسال صديق حميم ليهو دا كان اكبر المهرجليين

المشاركة الأصلية كتبت بواسطة محمد ابراهيم حمدناالله

أحمد حاجه كدا ما ليها مثيل يعني فلته .. والله فعلا يحير ..

قول ما شاء الله .. أحمد بقى يشيل الريموت

ويوجهو على التليفزيون


مافي داعي نحكي ليك كتير عنو .. عشان ما تتجرس

وتقوم تجي تحضر العيد معانا هنا

المشاركة الأصلية كتبت بواسطة علي محمد أحمد (أبورنس)

الكلمة دي .. جاتنا من وين يا أهل اللغة والتوثيق

يبقالي مافي شعب قعد يستخدمها غير السودانيين !!

بحثت عنها في القاموس لقيت كالآتي :

هرجلَ / هرجلَ في يهرجل ، هَرْجَلَةً وهِرْجالاً ، فهو مُهَرْجِل ، والمفعول مُهَرْجَل فيه:
• هَرْجَلَ الرَّجلُ اختلط مَشْيُه " هرجل من شدَّة التَّعب " .
• هرجل في أعماله : أدّاها بشكل غير منظَّم ، لم يسلك فيها مسلك النِّظام " مَنْ هرجل في عمله لم ينجحْ " .

------------------

عندنا نحن معناها الزول المشاغب كثير الكلام في الفصل !!


===============

على كل حال .. لو تم تعيينك ألفة المنتدى ...

حا تكتب منو في قائمة المهرجلين ؟

------------------

بالنسبة لي أنا ، أول زول جاء في بالي (صديق الحسين)

ومن المهرجلات (لبنى محمد وداعة)

نصـــــــو... فــــى آخــــر القـــــارعــــة !!

مــــا كنــــــت أحســــب أن المؤســــسين يمكــــن أن تصــــل اليهـــم اليــــد ليحــــاكموا ... ولكــــن لاكـــــبير فــــوق القــــــانون!!
أقــــبل الأول مشـــــترك مــــع نــــون النســــوة ـ لكــــثرة المــــزاح ـ ويقــــينـــى أننـــى خــــلال هـــذا الشــــهـــر تحمــــلت تصــــحيح الخطــــأ التـــاريخــــى مـــع آخــــرين ـ وكــــتبت ... مـــازاد مـــن عـــدد المشــــاهـــدين !!

وأريـــــد أن أوضــــح الأتـــــى :

يشـــــرفنــــى أن أكــــون أول مـــن يخطــــر علــــى بـــال " مديـــــر منتـــــدانـــــا " وأعـــــتبرهــــــا اخوانيات و عــــربـــون صــــداقــــة... كــــما كتبـــت خــــديجــــة عبدالرحــــيم أننى أطـــرأ علــــى ذهــــنها فــــى بـــداية أعـــدادهـــا لمــــادتها ـ وتتوقــــع رد ى !! ... وصــــلتنى رســـالـــة مـــن قطــــر " عبدالرحمـــن مـــدنى ـ تنقـــو ـ " عبـــر مـــامان بأنـــه يقــــرأ بتمـــعن مـــا أكــــتب ... الســــر الجعـــــران قـــالهــــا فـــى وجهــــى بكـــــل وضــــوح ... ماكنت أعرف أنك بهـــذه الدرجــــة ... عـــادل عبدالوهــــاب ـ الســـكرتير السابق للجمعية والذى فى عهـــده تم الأشـــراف علـــى تجهـــيز المنتــــدى وتدشــــــينـــه ... أمســـك بيـــدى ليقـــول : أنــــت كــــتاب !! ... وقـــالها التاج على حامد !! ميـــرغنى حســــن طـــلب منى المـــزيد فـــى توضـــيح التراث وتسليط الضـــوء على شــــعرائنا !! الدينـــمو يقـــرأ لمجموعته أمام الهلتـــون مهــــولــــة وتأريخ القــــرير !!... هـــاتفنى ســـيدأحمد جـــم وأشـــاد بتوارد الخواطــــر فيما كتبت كمقدمة – مكالمة... مع الشاعر !! أحمـــد الطـــاهـــر رئيس الجمعية أثنـى علـــى تغطيتي لفعاليته فى تكريم ضمرة عريج !!
يطــــربنى المــــدح عنـــدمـــا أشــــعر بصــــدقــــه ... وبـــدورى أثــنى علـــى كـــل جميـــل !!

أنـــا أقــــدر النخبــــة التى تتحـــدث بمـــوضــــوعيه وتقيم بحيادية... وأنأى عن مـــن تكـــون ثقافتهم أشعار خــالد الباشــا وتشجيع الهـــلال والمـــريخ !!

والآن ... اتوقف عن الكتابة لفترة للمراقبة وتفويت الفرصة على المتربصين ... فانا لا اقوى على آخــــر القـــارعة !!
شكرا مدير منتدانا على التنبيه واطالب بالمزيد من الحريات لنرتفع - تحياتي