القاتل(رواية كحلقات) [ الكاتب : محمد المك المك - آخر الردود : محمد المك المك - ]       »     " أبرز عناوين الصحف الرياضيه ا... [ الكاتب : عمر محمد علي ترتوري - آخر الردود : عمر محمد علي ترتوري - ]       »     عناوين صحف الخرطوم ( يوميا وحص... [ الكاتب : عوض علي حامد - آخر الردود : عمر محمد علي ترتوري - ]       »     اقرأ آية (واحدة) من القرآن الك... [ الكاتب : مجاهد الرفاعى - آخر الردود : ود المنصوره - ]       »     حكمــــــــــة اليـــــوم [ الكاتب : احمد عبدالله جقلاب - آخر الردود : احمد عبدالله جقلاب - ]       »     نفّـــــــاج: [ الكاتب : عمر محمد نور - آخر الردود : عمر محمد نور - ]       »     استراحة ما بعد الظهيرة [ الكاتب : أم مؤيد - آخر الردود : عمر محمد نور - ]       »     دموع وألم [ الكاتب : بابكر محمد أحمد دفع الله - آخر الردود : عمر حمري - ]       »     كُوكتيل [ الكاتب : عمر محمد نور - آخر الردود : عمر محمد نور - ]       »     اخبار مرتجي ولد الراحل مرغني ا... [ الكاتب : ابراهيم الصيني - آخر الردود : أم مؤيد - ]       »     حديث اليوم .. للمشاركة [ الكاتب : ود حمرى - آخر الردود : أم مؤيد - ]       »     نافذة للدعاء [ الكاتب : عمر محمد نور - آخر الردود : أم مؤيد - ]       »     "صلو على النبي يا جماعة" [ الكاتب : عمر محمد علي ترتوري - آخر الردود : أم مؤيد - ]       »     سجلوا دخولكم بالدعاء لي لبني م... [ الكاتب : يس بابكر الشيخ محمد - آخر الردود : أم مؤيد - ]       »     هل معقول رحل اخونا الغبشاوي به... [ الكاتب : ابراهيم الصيني - آخر الردود : ابراهيم الصيني - ]       »     تحية وداع... [ الكاتب : احمد محمد صالح بادي - آخر الردود : ابراهيم الصيني - ]       »     قواريط حسين حمد الحسين من الفي... [ الكاتب : ابراهيم الصيني - آخر الردود : ابراهيم الصيني - ]       »     ألف مبروك ابنتنا الدكتورة ريم [ الكاتب : أم مؤيد - آخر الردود : علي محمد أحمد (أبورنس) - ]       »     مخيّرة في رايا مروى [ الكاتب : عمر محمد نور - آخر الردود : عمر محمد نور - ]       »     مراحل تعليمنا الزمان يا حليلا [ الكاتب : عبد المنعم محمد توب السوق - آخر الردود : عبد المنعم محمد توب السوق - ]       »    

تسجيل خروج البحث تحكم العضو التسجيل الرئيسية


 
 
العودة   منتديات القـريـر > قــــائمة المنتديــــات > منتدى الحوار العام
 
 

الإهداءات

إضافة رد
 
أدوات الموضوع انواع عرض الموضوع
 
 
  #1  
قديم 08-01-17, 06:19 PM
الصورة الرمزية عبد الرحمن (عطبرة)
عبد الرحمن (عطبرة) غير متواجد حالياً
قريرابي ماسي
 





افتراضي مناظر . . . في نظري مؤلمة . . .

المنظر . . . حقيقي حصل يوم أمس . .

- خرجت حوالي التاسعة مساء من المنزل بحي من أحياء عطبرة للتسوق في سوق حلتنا العامر بحمد الله . . . لحدي هنا عادي . .
- بعد شارعين لقيت لمة من النسوان و في نص اللمة رجل كبير يلبس نظارة و يتوكأ على عصاه . . و احداهن تبكي و تسكلب قائلة: قلت ليكم ما من عوايده يتأخر لحدي الوقت دا . . ردت أخرى: يمكن يكون مع واحد من أصحابه . . فترد المسكلبة: لا لاااا وووب علييييا ما عنده أصحاب أهو دا جده أسأليه مافي صاحب بيجيهو في البيت . . . يكون غرق وووووب علييييييييا . .
فترد أخرى: احتمال لقى ليهو شلة من زملانو في المدرسة و شالتن ونسه . .
فتصر المسكلبة: لا لا . . لا لا ... ما حصل اتأخر قدر دا . . دا طالع من الساعة عشرة صباح .. و لي هسا ما جا ... ووووب عليييي . .
فتنظر احداهن للجد و هي تقول: يا حاج انت واقف من العصر خش ارتاح بيجي . .
فيرد الجد بحسرة: هو وين بس .. ما بقدر أخش كدي يا فلانه متوجه بحديثه للمسكلبة: كدي رسلي زول لي صاحبه هناي . . و يصمت ليتذكر و هو معبور و يحاول التذكر و لكن لم يسطع فهو في حالة مشوشة زائد الكِبر . . فتقول المسكلبة صاحبه منوووو منووو .. و تتدخل أخرى . . كدي جيبوا ليكم كرسي للحاج اذا ما عايز يخش البيت اليقعد شوية من قبيل واقف . .

يتبـــــــــــــــــــع

من مواضيعي :

توقيع :
رد مع اقتباس
 
 
 
 
قديم 08-01-17, 07:51 PM   #2
نائب رئيس مجلس الادارة
 
الصورة الرمزية عمر محمد علي ترتوري





عمر محمد علي ترتوري غير متواجد حالياً

من مواضيعي :
افتراضي رد: مناظر . . . في نظري مؤلمة . . .

ياااااا الله ... يبدو إنها دى قصه مشوقه جدا يا عبد الرحمن ..
زى ما قلت ليك فى قروب مروى الادبى "إنت جميل وجدا " حصلنا بالبقيه !
مودتى

  رد مع اقتباس
 
 
 
 
قديم 08-01-17, 07:52 PM   #3
نائب رئيس مجلس الادارة
 
الصورة الرمزية عمر محمد علي ترتوري





عمر محمد علي ترتوري غير متواجد حالياً

من مواضيعي :
افتراضي رد: مناظر . . . في نظري مؤلمة . . .

لا. تندهده منتظرين بفارق الصبر

  رد مع اقتباس
 
 
 
 
قديم 10-01-17, 07:58 AM   #4
قريرابي ماسي
 
الصورة الرمزية عبد الرحمن (عطبرة)





عبد الرحمن (عطبرة) غير متواجد حالياً

من مواضيعي :
افتراضي رد: مناظر . . . في نظري مؤلمة . . .

اقتباس:
المشاركة الأصلية كتبت بواسطة عمر محمد علي ترتوري
ياااااا الله ... يبدو إنها دى قصه مشوقه جدا يا عبد الرحمن ..
زى ما قلت ليك فى قروب مروى الادبى "إنت جميل وجدا " حصلنا بالبقيه !
مودتى

هلا و غلا و مرحباً بالأديب الحبيب عمر السرور . .
أنت ينبوع الجمال و الطيبة . .
هي واقعية و القصد منها التفاكر في موضوع سوف ينجلي لك بعد نهاية المنظر و ان شاء الله سوف أحاول أن أحكي مناظر و مناظر في هذا البوست و أتمنى أن أجد ءاراء و حلول لها هنا ربما يستفيد منها كل من يمر من هنا من زوارنا الكرام . . و خليك قريب . .

كل الود يا زول يا جميل


توقيع :
  رد مع اقتباس
 
 
 
 
قديم 10-01-17, 08:01 AM   #5
قريرابي ماسي
 
الصورة الرمزية عبد الرحمن (عطبرة)





عبد الرحمن (عطبرة) غير متواجد حالياً

من مواضيعي :
افتراضي رد: مناظر . . . في نظري مؤلمة . . .

اقتباس:
المشاركة الأصلية كتبت بواسطة عمر محمد علي ترتوري
لا. تندهده منتظرين بفارق الصبر

هلا بالغالي . . عمر السرور . . معليش بس شوية مشغوليات شدهتنا . . نواصل إن شاء الله . . .


تحياتي

  رد مع اقتباس
 
 
 
 
قديم 10-01-17, 08:24 AM   #6
قريرابي ماسي
 
الصورة الرمزية عبد الرحمن (عطبرة)





عبد الرحمن (عطبرة) غير متواجد حالياً

من مواضيعي :
افتراضي رد: مناظر . . . في نظري مؤلمة . . .

نواصل . . .

كنت في هذه الأثناء قد تخطيت جمع النسوة و بعضهن كان قد تقدمن سائرات للتسوق بعد أن حاولن في تخيف لوعة المثكلبة بكلماتهن عن هكذا حال الأولاد يلعبوا و يتحاوموا و يتأخروا عادي و بيرجعو البيت و لسا الوقت بدري و مثل هكذا كلمات . .
كنت أقول في نفسي في تحليل سريع لما مر بي من منظر . . حكاية غرق دي ما واردة . . الجو بارد و مافي شي يخليه يفكر يمشي البحر هو كدي ان شاء الله يقدر يستحم في البيت . . في هذا الجو البارد . . و كنت أقول مواصلاً تحليلاتي و التي تمنيت أن أتشجع و أتدخل بها مخاطباً الأسرة الباكية و لكني لم أتشجع لا أدري لماذا . . المهم أعلم يوجد في سوق الحي أكثر من ستة شاشات مشاهدة في باحة السوق المحاطة برواكيب الخضار و أكشاك الباعة من أفوال و ألبان و غيرها . . و كان تحليلي أن هذا الشبل ربما استغل يوم السبت المعروف أنه عطلة رسمية أضافتها الدولة الرشيدة الى الجمعة كأننا وصلنا من الترف لاختراعات و مشاريع شاركت في تنمية وطننا الكبير و يحق للناس أن ترتاح يومين في الاسبوع . . غايتو بيني و بين نفسي بقول يا ريت لو حذفوا إجازة الجمعة و كل الناس تجتهد و تخلص في شغلها و تطور امكانياته حتى نصل بعد كم قرن كدا لنهضة في كل المجالات و بعد ذلك يحق لنا أنا نشتغل يوم و نعطل يوم . . معليش شطحت شوية من الموضوع لكن بيقولوا أحلام اليقظة صحية . . ما علينا المهم كنت بقول في نفسي ان هذا الشبل المفقود ربما خرج بعد العاشرة بعد أن لهط الفول و ما تيسر من الطعمية و سلطة الدكوة ان تيسرت خرج و ربما يكون الى أحد زملاء المدرسة فالمثكلبة قد قالت و هي مستشهدة بجد الشبل: ان الشبل ليس لديه أصحاب و مافي زول بيجيهو في البيت حسب كلامها المصاحب للثكلبة . . عشان كدا شخصي الضعيف اقتبس من كلام احداهن كلمة زملانه في المدرسة . . المهم كنت بقول ربما ذهب الى أحد زملان المدرسة و بيكون عنده أتاري و لعبوا و لعبوا لما زهجو . . فمرقوا قريب العصر و مشوا الدافوري . . و ...

يتبـــــــــع

  رد مع اقتباس
 
 
 
 
قديم 10-01-17, 08:34 AM   #7
قريرابي ماسي
 
الصورة الرمزية علي محمد أحمد (أبورنس)





علي محمد أحمد (أبورنس) غير متواجد حالياً

من مواضيعي :
افتراضي رد: مناظر . . . في نظري مؤلمة . . .

شوف .. جنس الحركات دي .. ما بتنفع معانا


=====================

وينك يا غالي

  رد مع اقتباس
 
 
 
 
قديم 10-01-17, 08:46 AM   #8
قريرابي ماسي
 
الصورة الرمزية علي محمد أحمد (أبورنس)





علي محمد أحمد (أبورنس) غير متواجد حالياً

من مواضيعي :
افتراضي رد: مناظر . . . في نظري مؤلمة . . .

آها .. أنا جبت قهوتي وجيتك .. قدري أقدر أخفس

  رد مع اقتباس
 
 
 
 
قديم 10-01-17, 08:56 AM   #9
قريرابي ماسي
 
الصورة الرمزية عبد الرحمن (عطبرة)





عبد الرحمن (عطبرة) غير متواجد حالياً

من مواضيعي :
افتراضي رد: مناظر . . . في نظري مؤلمة . . .

اقتباس:
المشاركة الأصلية كتبت بواسطة علي محمد أحمد (أبورنس)

شوف .. جنس الحركات دي .. ما بتنفع معانا


=====================

وينك يا غالي

هلا هلا الحبيب الغالي أبو رنس . . أشواق كميات . . إن شاء الله كل الأسرة في خير . . و الله يا زول الحركات دي قدر ما حاولت أخليها هي أبت تخليني كدي حاول أقنعه . .
... جنبك يا غالي ...

  رد مع اقتباس
 
 
 
 
قديم 10-01-17, 08:59 AM   #10
قريرابي ماسي
 
الصورة الرمزية عبد الرحمن (عطبرة)





عبد الرحمن (عطبرة) غير متواجد حالياً

من مواضيعي :
افتراضي رد: مناظر . . . في نظري مؤلمة . . .

اقتباس:
المشاركة الأصلية كتبت بواسطة علي محمد أحمد (أبورنس)

آها .. أنا جبت قهوتي وجيتك .. قدري أقدر أخفس

بالهناء . . خلي الجبنة في جبنة كبيرة و صغِّر الفنجان . .

  رد مع اقتباس
 
 
 
 
قديم 10-01-17, 09:09 AM   #11
قريرابي ماسي
 
الصورة الرمزية علي محمد أحمد (أبورنس)





علي محمد أحمد (أبورنس) غير متواجد حالياً

من مواضيعي :
افتراضي رد: مناظر . . . في نظري مؤلمة . . .

اقتباس:
المشاركة الأصلية كتبت بواسطة عبد الرحمن (عطبرة)
خلي الجبنة في جبنة كبيرة و صغِّر الفنجان . .


أهااااااااااااااااااااا .. دا الأنا خايف منو


  رد مع اقتباس
 
 
 
 
قديم 10-01-17, 09:17 AM   #12
قريرابي ماسي
 
الصورة الرمزية عبد الرحمن (عطبرة)





عبد الرحمن (عطبرة) غير متواجد حالياً

من مواضيعي :
افتراضي رد: مناظر . . . في نظري مؤلمة . . .

اقتباس:
المشاركة الأصلية كتبت بواسطة علي محمد أحمد (أبورنس)

أهااااااااااااااااااااا .. دا الأنا خايف منو




Thanks, Just Keep In Touch
I will support you

  رد مع اقتباس
 
 
 
 
قديم 10-01-17, 05:04 PM   #13
قريرابي ماسي





احمد محمد صالح بادي غير متواجد حالياً

من مواضيعي :
افتراضي رد: مناظر . . . في نظري مؤلمة . . .

البطان...، البطان...، الواحد تكوسو في كُلْ مكان، حَتَّى في الزِحام،
والأم تبكى، والأب منزعـج، والجـيـران يَـوَلْـوِلـُوا، ويُوَاسِيْهُمْ الأرحام
ومَراتْ يبلغوا الشرطه، وهو المطموس كمَّلْ لعْبُوْ وجَا بَرَّاحَه في سَرِيْرُوْ نام
ومن مافيش خَلَقُوا مناسبه جابولا الحلاوه، وفى جماعه قَعَدُوا حَرَسُوُا الطعام


توقيع :
الغبشاوي
  رد مع اقتباس
 
 
 
 
قديم 12-01-17, 08:33 AM   #14
قريرابي ماسي
 
الصورة الرمزية عبد الرحمن (عطبرة)





عبد الرحمن (عطبرة) غير متواجد حالياً

من مواضيعي :
افتراضي رد: مناظر . . . في نظري مؤلمة . . .

اقتباس:
المشاركة الأصلية كتبت بواسطة احمد محمد صالح بادي

البطان...، البطان...، الواحد تكوسو في كُلْ مكان، حَتَّى في الزِحام،
والأم تبكى، والأب منزعـج، والجـيـران يَـوَلْـوِلـُوا، ويُوَاسِيْهُمْ الأرحام
ومَراتْ يبلغوا الشرطه، وهو المطموس كمَّلْ لعْبُوْ وجَا بَرَّاحَه في سَرِيْرُوْ نام
ومن مافيش خَلَقُوا مناسبه جابولا الحلاوه، وفى جماعه قَعَدُوا حَرَسُوُا الطعام

هلا الحبيب الغبشاوي . . مشكور على المرور الأنيق . . هكذا الحال معهم . .
كل الود

  رد مع اقتباس
 
 
 
 
قديم 12-01-17, 08:48 AM   #15
قريرابي ماسي
 
الصورة الرمزية عبد الرحمن (عطبرة)





عبد الرحمن (عطبرة) غير متواجد حالياً

من مواضيعي :
افتراضي رد: مناظر . . . في نظري مؤلمة . . .

و بعد الدافوري فكرت انه واحد من الأشبال قاليهم: اليوم في احدى شاشات المشاهدة بسوق الحلة حلقة مصارعة كااااربة أرح . . و انجر الأشبال خلف صاحب الفكرة المسلية الى الشاشة . . . كنت منساقاً مع تحليلاتي و انغمست فيها كأني أحد أفراد العائلة المتوترة في انتظار خبر عن الشبل . . في هذه الأثناء قطع صوت احدى النساء اللاتي تقدمنني الى السوق سلسلة تحليلاتي و هي تصيح: اهووو دا يا فلانة أهو دا . . نظرت أمامي محاولاً أن أتابع يد المرأة الممتدة مشيرة الى شبل من بين على ما أظن سبعة أشبال . . لم أتبين ملامح وجهه لكن جميعهم كانوا في سن واحدة تقريباً ثلاثة عشر ربيعاً و بحساب بلدنا ثلاثة عشر صيفاً . . المهم صمت الأشبال حينما سمعوا صوت المرأة المبشرة و التي ما زالت تصيح و ما زالت يدها ممتدة نحو الشبل و كأني بها تريد أن تخلع قميصه و تعود لتلقيه على وجه الجد مبشرة بحياة شبله . . .
حينما أفاق الأشبال و تبينوا ما حولهم انسل الشبل المقصود و أظنه يا داب قد تبين أنه قد ارتكب خطأ فادحاً بغيابه غير المعتاد لهذا الزمن من المنزل و جرى بأقصى سرعة في اتجاه المنزل . . .
و هنا تبدل حال المثكلبة و الجد من الحزن الى الفرح ثم الى . . . . . .

يتبــــــــــــــــــع . . .

  رد مع اقتباس
 
 
 
 
قديم 12-01-17, 05:45 PM   #16
قريرابي ماسي
 
الصورة الرمزية ابو ميسره





ابو ميسره غير متواجد حالياً

من مواضيعي :
افتراضي رد: مناظر . . . في نظري مؤلمة . . .

اهلا بعطبرة كلها

خذي قلبي إليك فقلبيِّه ترِي لا موضعاً للصبر فيه
وهل للصبر منـزلة بقلبي باسهمها النوائب تدَّريه


توقيع :
ا
مـن الهجرة تعلمنا الأخذ بالأسباب لتدبير أمورنا
ومن ثم التوكل على الله عـزّ وجـلّ

( فَاللَّهُ خَيْرٌ حَافِظًا ۖ وَهُوَ أَرْحَمُ الرَّاحِمِينَ )
  رد مع اقتباس
 
 
 
 
قديم 14-01-17, 12:14 PM   #17
قريرابي ماسي
 
الصورة الرمزية عبد الرحمن (عطبرة)





عبد الرحمن (عطبرة) غير متواجد حالياً

من مواضيعي :
افتراضي رد: مناظر . . . في نظري مؤلمة . . .

اقتباس:
المشاركة الأصلية كتبت بواسطة ابو ميسره

اهلا بعطبرة كلها

خذي قلبي إليك فقلبيِّه ترِي لا موضعاً للصبر فيه
وهل للصبر منـزلة بقلبي باسهمها النوائب تدَّريه

هلا بالحبيب أبو ميسرة . . أشواق كميات . .
خليك قريب . .
كل الود

  رد مع اقتباس
 
 
 
 
قديم 14-01-17, 01:12 PM   #18
قريرابي ماسي
 
الصورة الرمزية عبد الرحمن (عطبرة)





عبد الرحمن (عطبرة) غير متواجد حالياً

من مواضيعي :
افتراضي رد: مناظر . . . في نظري مؤلمة . . .

الأخيرة . . .

تبدل الحال من الفرح الى الغضب . .
صاحت المثكلبة متوعدة الصبي الذي فج التجمهر و دخل منزله . . و هي تقول: و الله الليلة ما أخليك يا فعلتك يا تركتك و دخلت الى المنزل و خلفها الجد ملوحاً بعصاه في غضب شديد و هو يصحيح لازم تنضرب ضرب الحمير و بتشوف براك و هنا ظهر ءاخر أظنه خال أو عم من وسط الحضور و هو يحمل قطعة خرطوش ماء
و دخل الى المنزل و اغلق الباب و انفض التجمهر . . .
واصلت طريقي و أنا متكيف ان سيناريو تحليلاتي أظنه كان ما حدث و قلت الحمد لله الشبل حي يفرفر . . و لكني أظنه سوف يعاني من رضوض و ءاثار ضرب مبرح . .. و شطحت حيث أوحى لي خيالي أن أذهب لأقرب مركز لحماية الطفل و أجلبهم معي
و أريهم المنزل و أكب الزوغة . . حتى أحول دون هذا الضرب الذي ينتظر الشبل و الذي ربما حينما دخل المنزل قد ولج الى الحمام و أغلق عليه الباب من هول ما ينتظره من عقاب شديد بحسب رؤيتي للمثكلبة و الجد و القريب الآخر و العصاة
و الخرطوش . . . و قلت سوف يكسب بعض الوقت حتى أحضر له جماعة حماية الطفل . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

منظر ءاخر (حكيت هذا الحدث ثاني يوم لبعض زملاء العمل و نحن على طاولة الإفطار فضحك و قال ليا بالله عليك ما شاهدت أمس لعبة التنس بين فلان و فرتكان . . فقلت و أنا أضحك ياخ انت فايق أنا بحكي ليك في شنو و انت بتقول في شنو . . فضحك هو الآخر و هو يقول: ياخ كدي صبرك القصة دي لها علاقة مع روايتك . . نظرت اليه متشككاً لأني أعلم أنه غير جادي البته في مشاغباته لنا نحن زملاء العمل و قلت: أحكي يا سيدي . . فحكي انه أثناء المبارة المذكورة سمع أحد لاعبي التنس المتبارين صوت احدى المتفرجات تصيح في هلع و هي تنادي على ابنتها و التي اختفت فجأة من أمامها و صار الصياح الى بكاء هنا أوقف اللعبة و سار في اتجاه المتفرجة و التي وقفت تتلفت باحثة بين دموعها عن طفلتها و في هذه الأثناء ظهرت الطفلة و هي تجري في اتجاه والدتها و حينما تبينت الوالدة ابنتها جرت نحوها و حضنتها اليها بشدة و هي تبكي و بعد أن اطمأن لاعب التنس الى الوضع رجع ليستأنف اللعبة . . هنا حقيقة دمعت عيناي و قلت ليهو: ياخ طيب ليه نحن ما بنعمل كدا يااااخ . . فلاحظ زميلي دمعة منحدرة مني . . و قال لي خلاص قمت على عوارتك دي . . ان شاء الله يكون الجنا داك فجخوهو و رقد مستشفى خلينا النفطر ياخ ) انتهى . . .
- طيب ليه لما يحصل موقف زي دا من أولادنا ليه ما نحمد الله على رجوعهم لينا و نحضنهم و نطبطب عليهم و نوريهم حبنا ليهم و نخليهم يفهموا لما عايزين يتأخروا أو يلعبوا نكون عارفين هم وين . . ما أظن واحد منهم رح يفهم انه انشتم و انضرب و حرد أكله ان البيحصل دا خوف عليهو لأنه كيف زول نحن بنحبه و قلقنا لما غاب لزمن طوييييل لما يرجع بدل ما نفهمه براحة و بحب انه أخطأ و نوجهه للصاح . . شنو نشتمه و نضربه معقولة رح يفهم انه دا حب ليهو و خووووف عليهو . . حقيقة دا منظر مؤلم و له ءاثاره المستقبليه و أظن منها هو شخصياً رح ينتهج سياسة من ربوهو أقصد من ضربوهو لما يعمل أسرة و هكذا دواليك . . و خليك سوداني . .
و نلتقي في مناظر أخرى إن ربنا شاء . . .

  رد مع اقتباس
 
 
 
 
قديم 16-01-17, 04:28 AM   #19
قريرابي ماسي
 
الصورة الرمزية ابو ميسره





ابو ميسره غير متواجد حالياً

من مواضيعي :
افتراضي رد: مناظر . . . في نظري مؤلمة . . .

اقتباس:
المشاركة الأصلية كتبت بواسطة عبد الرحمن (عطبرة) مشاهدة المشاركة
الأخيرة . . .

تبدل الحال من الفرح الى الغضب . .
صاحت المثكلبة متوعدة الصبي الذي فج التجمهر و دخل منزله . . و هي تقول: و الله الليلة ما أخليك يا فعلتك يا تركتك و دخلت الى المنزل و خلفها الجد ملوحاً بعصاه في غضب شديد و هو يصحيح لازم تنضرب ضرب الحمير و بتشوف براك و هنا ظهر ءاخر أظنه خال أو عم من وسط الحضور و هو يحمل قطعة خرطوش ماء
و دخل الى المنزل و اغلق الباب و انفض التجمهر . . .
واصلت طريقي و أنا متكيف ان سيناريو تحليلاتي أظنه كان ما حدث و قلت الحمد لله الشبل حي يفرفر . . و لكني أظنه سوف يعاني من رضوض و ءاثار ضرب مبرح . .. و شطحت حيث أوحى لي خيالي أن أذهب لأقرب مركز لحماية الطفل و أجلبهم معي
و أريهم المنزل و أكب الزوغة . . حتى أحول دون هذا الضرب الذي ينتظر الشبل و الذي ربما حينما دخل المنزل قد ولج الى الحمام و أغلق عليه الباب من هول ما ينتظره من عقاب شديد بحسب رؤيتي للمثكلبة و الجد و القريب الآخر و العصاة
و الخرطوش . . . و قلت سوف يكسب بعض الوقت حتى أحضر له جماعة حماية الطفل . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

منظر ءاخر (حكيت هذا الحدث ثاني يوم لبعض زملاء العمل و نحن على طاولة الإفطار فضحك و قال ليا بالله عليك ما شاهدت أمس لعبة التنس بين فلان و فرتكان . . فقلت و أنا أضحك ياخ انت فايق أنا بحكي ليك في شنو و انت بتقول في شنو . . فضحك هو الآخر و هو يقول: ياخ كدي صبرك القصة دي لها علاقة مع روايتك . . نظرت اليه متشككاً لأني أعلم أنه غير جادي البته في مشاغباته لنا نحن زملاء العمل و قلت: أحكي يا سيدي . . فحكي انه أثناء المبارة المذكورة سمع أحد لاعبي التنس المتبارين صوت احدى المتفرجات تصيح في هلع و هي تنادي على ابنتها و التي اختفت فجأة من أمامها و صار الصياح الى بكاء هنا أوقف اللعبة و سار في اتجاه المتفرجة و التي وقفت تتلفت باحثة بين دموعها عن طفلتها و في هذه الأثناء ظهرت الطفلة و هي تجري في اتجاه والدتها و حينما تبينت الوالدة ابنتها جرت نحوها و حضنتها اليها بشدة و هي تبكي و بعد أن اطمأن لاعب التنس الى الوضع رجع ليستأنف اللعبة . . هنا حقيقة دمعت عيناي و قلت ليهو: ياخ طيب ليه نحن ما بنعمل كدا يااااخ . . فلاحظ زميلي دمعة منحدرة مني . . و قال لي خلاص قمت على عوارتك دي . . ان شاء الله يكون الجنا داك فجخوهو و رقد مستشفى خلينا النفطر ياخ ) انتهى . . .
- طيب ليه لما يحصل موقف زي دا من أولادنا ليه ما نحمد الله على رجوعهم لينا و نحضنهم و نطبطب عليهم و نوريهم حبنا ليهم و نخليهم يفهموا لما عايزين يتأخروا أو يلعبوا نكون عارفين هم وين . . ما أظن واحد منهم رح يفهم انه انشتم و انضرب و حرد أكله ان البيحصل دا خوف عليهو لأنه كيف زول نحن بنحبه و قلقنا لما غاب لزمن طوييييل لما يرجع بدل ما نفهمه براحة و بحب انه أخطأ و نوجهه للصاح . . شنو نشتمه و نضربه معقولة رح يفهم انه دا حب ليهو و خووووف عليهو . . حقيقة دا منظر مؤلم و له ءاثاره المستقبليه و أظن منها هو شخصياً رح ينتهج سياسة من ربوهو أقصد من ضربوهو لما يعمل أسرة و هكذا دواليك . . و خليك سوداني . .
و نلتقي في مناظر أخرى إن ربنا شاء . . .

لك التحية أخى عبدالرحمن
فتحت باباً لروايات مالوفة أبطالها للأسف الشديد من ذوى الوظائف المرموقة ولكن القلم لا يزيل بلم تنسج خيوط ماساة أجيال تقول ( هذا ابى أو هذه أمى )
أضع أمامك مثال حي جداً الراوى فيها الأم
طفل فى عمر 13 عام يطرده الأب من المنزل فى ليل الشتاء كل الذنب الذى ارتكبه أنه لم يكذب
انصاع لأمر أبيه
خرجت الأم وجارتها تجوب الشوارع
لجأ الطفل لحوش المسجد القريب وهو مغلق ولكنه دخل فى شجرة يتقى البرد وكان يرتعد من الخوف
مرت على هذه الحادثة سنوات عندما التحق بالدراسة الثانوية صار يعمل والآن على مشارف نهاية المرحلة الجامعية
ولكن الآن تتكرر مع الصغير فى عمر التاسعة ليطرد من البيت
انتهت معركة الأب بطلاق الأم والطفل محبط ويحتاج الى علاج نفسي
.........

  رد مع اقتباس
 
 
 
 
قديم 16-01-17, 09:05 AM   #20
قريرابي ماسي
 
الصورة الرمزية عبد الرحمن (عطبرة)





عبد الرحمن (عطبرة) غير متواجد حالياً

من مواضيعي :
افتراضي رد: مناظر . . . في نظري مؤلمة . . .

اقتباس:
المشاركة الأصلية كتبت بواسطة ابو ميسره

لك التحية أخى عبدالرحمن
فتحت باباً لروايات مالوفة أبطالها للأسف الشديد من ذوى الوظائف المرموقة ولكن القلم لا يزيل بلم تنسج خيوط ماساة أجيال تقول ( هذا ابى أو هذه أمى )
أضع أمامك مثال حي جداً الراوى فيها الأم
طفل فى عمر 13 عام يطرده الأب من المنزل فى ليل الشتاء كل الذنب الذى ارتكبه أنه لم يكذب
انصاع لأمر أبيه
خرجت الأم وجارتها تجوب الشوارع
لجأ الطفل لحوش المسجد القريب وهو مغلق ولكنه دخل فى شجرة يتقى البرد وكان يرتعد من الخوف
مرت على هذه الحادثة سنوات عندما التحق بالدراسة الثانوية صار يعمل والآن على مشارف نهاية المرحلة الجامعية
ولكن الآن تتكرر مع الصغير فى عمر التاسعة ليطرد من البيت
انتهت معركة الأب بطلاق الأم والطفل محبط ويحتاج الى علاج نفسي
.........

هلا الحبيب أبو ميسرة . .
تعرف حسب فهمي مرات الأطفال بيكونوا ضحايا تصفية حسابات بين الوالدين للأسف الشديد . . يرتكب الطفل خطأ عادي جداً فتجد الأب أو الأم بدل ما يمارس حقه التربوي في التوجيه الصحيح ليفهم الطفل ما كان يجب عليه فعله نجدهم يستغلونها كفرصة للإنتقام من بعضهم البعض بمعاقبة الطفل معاقبة كبيرة جداً حتى يغيظ أحدهم الآخر و يتناسون أن ما حدث سوف يضر جداً الأطفال زينة الحياة الدنيا . .
كما أقول على الدوام الخلل في عدم فهم تعاليم الإسلام و عدم تطبيقها . . من يقرأ القرءان يجد كيف يتعامل مع كل شئ معاملة راقية عالية جداً ينتج عنها سلوك متحضر قويم . .
الخلل هنا و قلة من ينتهجون تعاليم الدين في تعاملهم مع كل شئ . . الرجوع للكتلوج حقنا هو الحل و إلا سوف تستمر الفوضى . .

لك عاطر التحايا عزيزي الراقي أبو ميسرة

  رد مع اقتباس
 
 
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع

---
شارك هذا الموضوع مع أصدقائك على الفيس بوك
Share

الساعة الآن »11:33 PM.


Powered by vBulletin® Version 2017
.Copyright ©2000 - 2017, Jelsoft Enterprises Ltd
جميع الحقوق محفوظة لمنتديات القرير .Copyright ©2008- المواضيع المكتوبة تعبر عن رأي كاتبيها ولا تعبر عن رأي ادارة منتديات القرير free counters
شركة نوفــ العربية ــل