ديوان الشباب (الأشعار الفائزة ... [ الكاتب : عبد الرحمن (عطبرة) - آخر الردود : عبد الرحمن (عطبرة) - ]       »     حكمــــــــــة اليـــــوم [ الكاتب : احمد عبدالله جقلاب - آخر الردود : احمد عبدالله جقلاب - ]       »     "استراحة الجمعة" [ الكاتب : عمر محمد علي ترتوري - آخر الردود : احمد محمد صالح بادي - ]       »     نفّـــــــاج: [ الكاتب : عمر محمد نور - آخر الردود : عمر محمد نور - ]       »     الحكايى بقت آخر زمن، ظهرتلو كم... [ الكاتب : احمد محمد صالح بادي - آخر الردود : احمد محمد صالح بادي - ]       »     سجلوا حضوركم في المنتدى بالصلا... [ الكاتب : يس بابكر الشيخ - آخر الردود : نبيل عبدالرحمن - ]       »     صلاح قوش .. متهم ام ضحية ..؟؟ ... [ الكاتب : ود حمرى - آخر الردود : احمد محمد صالح بادي - ]       »     نِعْمَ الأعضاء هُمْ...، ونِعْم... [ الكاتب : احمد محمد صالح بادي - آخر الردود : احمد محمد صالح بادي - ]       »     خريفنا الفوق ضهرو نرعى ..!! [ الكاتب : ود حمرى - آخر الردود : احمد عثمان بشير - ]       »     المنتدى يا حليلو [ الكاتب : احمد محمد صالح بادي - آخر الردود : احمد محمد صالح بادي - ]       »     سماحة الزول يبقى قانع، يموت فى... [ الكاتب : احمد محمد صالح بادي - آخر الردود : احمد محمد صالح بادي - ]       »     قبيل كان اليتيم بس دمعو سايل، ... [ الكاتب : احمد محمد صالح بادي - آخر الردود : احمد محمد صالح بادي - ]       »     ﺧﻼّﻙَ ᥵... [ الكاتب : احمد محمد صالح بادي - آخر الردود : احمد محمد صالح بادي - ]       »     زي ما قال الزعيم: هنا وهناك، ا... [ الكاتب : احمد محمد صالح بادي - آخر الردود : احمد محمد صالح بادي - ]       »     "مسرح الغزلان فى الحدائق" [ الكاتب : عمر محمد علي ترتوري - آخر الردود : عمر محمد علي ترتوري - ]       »     ملحمة فيضان عام ٧٥ [ الكاتب : عبد المنعم محمد توب السوق - آخر الردود : عبد المنعم محمد توب السوق - ]       »     يقولى نَقِطْنَا بَىْ سكاتك إنت... [ الكاتب : احمد محمد صالح بادي - آخر الردود : احمد محمد صالح بادي - ]       »     لا لأكياس البلاستيك .. ونعم لل... [ الكاتب : علي محمد أحمد (أبورنس) - آخر الردود : علي محمد أحمد (أبورنس) - ]       »     طلاء الوهم . [ الكاتب : عبد المنعم محمد توب السوق - آخر الردود : عبد المنعم محمد توب السوق - ]       »     ماليزيا [ الكاتب : احمد محمد صالح بادي - آخر الردود : احمد محمد صالح بادي - ]       »    

تسجيل خروج البحث تحكم العضو التسجيل الرئيسية


 
 
العودة   منتديات القـريـر > قــــائمة المنتديــــات > منتدى الحوار العام
 
 

الإهداءات

إضافة رد
 
أدوات الموضوع انواع عرض الموضوع
 
 
  #1  
قديم 10-01-18, 12:37 PM
الصورة الرمزية علي محمد أحمد (أبورنس)
علي محمد أحمد (أبورنس) غير متواجد حالياً
قريرابي ماسي
 





افتراضي لا لأكياس البلاستيك .. ونعم للتوجه الصحيح

بسم الله الرحمن الرحيم


السلام عليكم ورحمة الله وبركاته


اليومين ديل في حملة من محلية الخرطوم تجاه الغاء استخدام أكياس البلاستيك ، وفي اطار حملتها دي .. تقوم بمصادرة جميع أنواع أكياس البلاستيك من البقالات والمخابز ، الكلام دا طبعاً يصاحبو نوع من التذمر من أصحاب المحلات والمواطنين .. وتسمع تعليقات مثل : ( هي بقت على أكياس البلاستيك ؟) .. في إشارة لأنو في هموم ومشاكل أكبر من كدا !!!


طبعا الناس معذورة .. لكن لو نظرنا للموضوع من منظور آخر ، أقول انو دي خطوة في الاتجاه الصحيح ، بالرغم ما يكتنفها من بعض الأخطاء في عملية المصادرة !!!


أقول .. فعلا عندنا مشاكل أخرى وهموم أكبر ، لكن يا أحباب .. الهموم والمشاكل دي ما كوم واحد ، بل هي مجموعة من الأكوام .. وكل كوم مسئولية جهة حكومية بعينها ، وعليها يقع عبء معالجة مشاكلو وتصحيح مسارو .. وكذلك تطويرو والنهوض بيهو ..
فإذا قامت إدارة ما بعملها ،،، أو فالنقل قسم واحد من إدارة واحدة .. تحرك في الاتجاه الصحيح .. علينا أن ندعمو ونشيد بعمل هذا القسم ، ما دام القصد في الأول والأخير مصلحة الوطن والمواطن ..
لا يجوز .. أن نجمع كل مشاكل البلد .. ونضعها حجر عثرة في طريق إدارة تبتغي التصحيح ..



معروف تماماً للجميع .. الأخطار الصحية والبيئية من عملية استخدام أكياس البلاستيك في الأطعمة ، وهو أمر لا يخفى على أحد .. وتم التطرق ليهو في جميع الوسائط .. المشاهدة والمسموعة والمقروءة ،، لكننا نصر على السلوك الخاطئ في استخدام هذه الأكياس ، فإذا قامت جهة حكومية لمنع هذه الظاهرة .. فعلينا أن نقف معها ونساندها .. بالتأييد .. وأيضاً بالالتزام بعدم استخدام هذه الأكياس في حفظ الأطعمة أو حملها وغيرها من الاستخدامات التي تضر بصحتنا !!!


مرفق مع هذا الموضوع .. صورة لكيس من الورق استخدمتو اليوم عشان أشيل فيهو الخبز من المخبز ، الكيس دا .. ليهو ما يزيد عن السنة معاي !! وهو كان هدية من زميل لي في العمل ( العم هجو ) الله يمتعو الصحة والعافية ..


وقصة الكيس .. أني اعتدت أشيل معاي فطوري من البيت .. وكنت استخدم كيس من القماش ، فهو قال لي .. أنا حا أعمل ليك كيس عشان تشيل فيهو فطورك ( حكاية الفطور من البيت دي كمان قصة براها .. بتكلم عنها مرة تانية ، إن شاء الله ) ..


المهم .. الراجل نفذ وعدو ، وصنع لي الكيس من بقايا ورق تغليف تالف بالمطبعة ، شغل بتاع زول فنان .. وهو بالمناسبة فني طباعة ، ولاحظو أيادي الكيس من خيط السلفان ، وكمان لاحظو .. طريقتو في تدعيم منطقة يد الكيس ...


ما تركزو كتير في العلامة التجارية المطبوعة في الكيس ، فدا شعار لشركة مصنعة للورق ..


أول شيء لاحظتو لما استخدمت الكيس ، انو العيش فضل طازة حتى وقت استخدامو ، ودا بعكس ما كان يحصل لما أشيل العيش في كيس بلاستيك .. لأنو العيش في العادة يكون سخن ولما أشيلو في الكيس .. ولما أصل البيت تكون حالتو اتغيرت وريحتو ذاتها تكون اتغيرت .. عشان كدا قلت : الله يبارك فيك يا عم هجو ويبارك في أيامك ..


الكلام الكتير دا كلو يا أحباب .. قصدت منو حاجتين ..
الأولى .. إنو لما نشوف حاجة صاح نقول دي صاح ونشيد بيها ، مثل ما نعمل لما النشوف الغلط وننتقدو !!!



والحاجة التانية ، رب ضارة نافعة .. وهذا الضغط المعيشي ربما يدفع الناس للابتكار والتفكير الايجابي .. للبحث عن الحلول والخروج من الأزمات .. فبما أنو المحلية .. بدأت في مصادرة الأكياس .. يعني بعد فترة راح تختفي من المحلات (دا طبعاً .. إذا واصلت في حملتها دي وانتظمت فيها) .. وبالتالي الناس حا تحتاج لمواعين تانية تشيل فيها الأطعمة وما شابهها ..


يلا .. كل واحد يعمل ليهو كيس خاص بيهو ، من الورق أو القماش .. وخلونا نساهم في الحملة ضد استخدام أكياس البلاستيك في الأطعمة ..


وأسأل الله أن يمتعنا ويمتعكم بالصحة والعافية



من مواضيعي :
رد مع اقتباس
 
 
 
 
قديم 11-01-18, 10:24 AM   #2
قريرابي ماسي





احمد محمد صالح بادي غير متواجد حالياً

من مواضيعي :
افتراضي رد: لا لأكياس البلاستيك .. ونعم للتوجه الصحيح

بنسوِّى الكيس دا للعيش والخدار،
لكن النفايات نوديها وين؟!
ما يلموا الفي الأرض قَبُل ها القرار
عشان نقول والله جادين
قرار لخسارة البائع يُنَفَّذ حار حار
وما يفيد كلو يكون بعدين
************
القرار الصحيح أولاً منع الإستعمال
ويدوهم مهلة إسبوعين
ما شيل عصاتك طوالى ومعاهو الشَوَّال
ولملم العند الفارشين
وللبائع راس مال محتاج تعويض في الحال
عشان يغير نشاطو المسكين



توقيع :
الغبشاوي
  رد مع اقتباس
 
 
 
 
قديم 11-01-18, 02:13 PM   #3
قريرابي ماسي
 
الصورة الرمزية عبد الرحمن (عطبرة)





عبد الرحمن (عطبرة) غير متواجد حالياً

من مواضيعي :
افتراضي رد: لا لأكياس البلاستيك .. ونعم للتوجه الصحيح

السلام عليكم الحبيب أبو رنس . . .
طبعاً خطوة صحيحة إلغاء الأكياس دي و أن تأتي متأخراً خير من أن لا تأتي ...
- أمس كنت بقول لي زميل معي الجماعة ديل يا داب اتحركوا صاح الأكياس غير مضار استعمالها على صحة الإنسان مشوهة منظر البلد يفرغوها في مكب النفايات ترجع المدينة قبل رجوع العربة اللي فرغتها .. حتى بقت مضرب مثل في الخفة . . يقولوا ليك فلان كيس نايلو و الهواء شايلو ... و هذا يدل على الخفة و كدا . . . عشان كدا أخير نتقل و نخلي جهة الإختصاص تشوف شغلها ولا شنووو . . !!
- برضو قلت لي زميلي: تعرف بعد يوم يومين من اكتمال جمع الأكياس رح يظهر زول مبدع بي وعاء جديد و مناسب و نتمنى عودة الخرتاية و القفاف كمان و ميزتهن بيترقعن و يتلتقن لما يفنى الأصل و تبقى الرقع شغااااالة و شايلة المسؤولية . . .

- في واحد ظريف قال: الجماعة ديل رح يمنعوا الأكياس آسا بالله لما نجن من الوضع الحاصل دا نلقط شنووو . . .

- و الله ياخ كيسك دا جميل جداً و شكر الله الصانع . . .

كل الود يا حبيب

  رد مع اقتباس
 
 
 
 
قديم 12-01-18, 02:42 PM   #4
قريرابي ماسي
 
الصورة الرمزية بابكر محمد أحمد دفع الله





بابكر محمد أحمد دفع الله غير متواجد حالياً

من مواضيعي :
افتراضي رد: لا لأكياس البلاستيك .. ونعم للتوجه الصحيح



فرصه الواحد يستثمر فى فاضى أكياس الأسمت لأنها راح تغلاش









ا

  رد مع اقتباس
 
 
 
 
قديم 13-01-18, 01:23 PM   #5
قريرابي ماسي
 
الصورة الرمزية عبد المنعم عبد الرحيم حضيري





عبد المنعم عبد الرحيم حضيري غير متواجد حالياً

من مواضيعي :
افتراضي رد: لا لأكياس البلاستيك .. ونعم للتوجه الصحيح

انا ما عاوز اسبح عكس تيار البوست ... ولكن ما اعتدنا من هذه الحكومة الاهتمام بالنواحي الصحية او الانحياز لجانب المواطن... وعليه ابحثوا ورا الموضوع دا تلقوا في مصلحة لواحد من جماعتهم اكيد.

تحياتي ابو رنس


توقيع :
إذا فتحــت أبواب خيــر فأقبلــوا
موائــد أهــل الله خيــر الموائــــد

*******************
  رد مع اقتباس
 
 
 
 
قديم 01-02-18, 04:41 PM   #6
قريرابي ماسي
 
الصورة الرمزية علي محمد أحمد (أبورنس)





علي محمد أحمد (أبورنس) غير متواجد حالياً

من مواضيعي :
افتراضي رد: لا لأكياس البلاستيك .. ونعم للتوجه الصحيح

اقتباس:
المشاركة الأصلية كتبت بواسطة احمد محمد صالح بادي
القرار الصحيح أولاً منع الإستعمال
ويدوهم مهلة إسبوعين
ما شيل عصاتك طوالى ومعاهو الشَوَّال
ولملم العند الفارشين
وللبائع راس مال محتاج تعويض في الحال
عشان يغير نشاطو المسكين
السلام عليكم أستاذنا بادي (المرابط) ..

الله يديك الصحة والعافية ..

أصلا القرارات في البلد دي عشوائية ..
والحكومة عصاتها دي شايلاها طول العام ..
لكن على المساكين فقط

نسأل الله أن يفرجها علينا

  رد مع اقتباس
 
 
 
 
قديم 01-02-18, 04:48 PM   #7
قريرابي ماسي
 
الصورة الرمزية علي محمد أحمد (أبورنس)





علي محمد أحمد (أبورنس) غير متواجد حالياً

من مواضيعي :
افتراضي رد: لا لأكياس البلاستيك .. ونعم للتوجه الصحيح

اقتباس:
المشاركة الأصلية كتبت بواسطة عبد الرحمن (عطبرة)
السلام عليكم الحبيب أبو رنس . . .
طبعاً خطوة صحيحة إلغاء الأكياس دي و أن تأتي متأخراً خير من أن لا تأتي ...

عشان كدا أخير نتقل و نخلي جهة الإختصاص تشوف شغلها ولا شنووو . . !!

- برضو قلت لي زميلي: تعرف بعد يوم يومين من اكتمال جمع الأكياس رح يظهر زول مبدع بي وعاء جديد و مناسب و نتمنى عودة الخرتاية و القفاف كمان


- و الله ياخ كيسك دا جميل جداً و شكر الله الصانع . . .

وعليكم السلام ورحمة الله وبركاته أخي الحبيب عبد الرحمن

- هي الخطوة صحيحة في ظاهرها .. والله أعلم بما في القلوب

- مافي مانع نترك جهات الاختصاص تشتغل .. بس المهم أنهم يكون اختصاص فعلاً
يعني ما تبقى شغلة نجري ساكت وقطع من الراس بدون فهم !!!

- آها .. دي عينة من الابداع الانت كنت متوقعها ، السودان فيهو المبدعين
لكن برضو فيهو .. من يقتل المبدع ويصادر الإبداع ..

- انت الأجمل .. بس شكلي محتاج لكيس تاني معاهو لأنو دا بقى ما كفاية
بقينا محل ما نمشي .. ما نلقى أكياس .. مرات الواحد يشيل في ايديهو

  رد مع اقتباس
 
 
 
 
قديم 05-02-18, 04:38 PM   #8
قريرابي ماسي
 
الصورة الرمزية علي محمد أحمد (أبورنس)





علي محمد أحمد (أبورنس) غير متواجد حالياً

من مواضيعي :
افتراضي رد: لا لأكياس البلاستيك .. ونعم للتوجه الصحيح

اقتباس:
المشاركة الأصلية كتبت بواسطة بابكر محمد أحمد دفع الله
فرصه الواحد يستثمر فى فاضى أكياس الأسمت لأنها راح تغلاش


حباب أخي الأكبر .. أبو أحمد

الأفكار للاستثمار كثيرة لا تحصى ..

المشكلة ، انو الحكومة .. لا تساعد على الانتاج أو الاستثمار

تضع العراقيل أمام أي مشروع ..

الإدارة في الدولة .. فكرها عقيم

  رد مع اقتباس
 
 
 
 
قديم 05-02-18, 04:41 PM   #9
قريرابي ماسي
 
الصورة الرمزية علي محمد أحمد (أبورنس)





علي محمد أحمد (أبورنس) غير متواجد حالياً

من مواضيعي :
افتراضي رد: لا لأكياس البلاستيك .. ونعم للتوجه الصحيح

اقتباس:
المشاركة الأصلية كتبت بواسطة عبد المنعم عبد الرحيم حضيري
انا ما عاوز اسبح عكس تيار البوست ...

وعليه ابحثوا ورا الموضوع دا تلقوا في مصلحة لواحد من جماعتهم اكيد.


هلا وغلا .. الزعيم حضيري

البوست دا .. يسمح لكل أنواع التيارات

كلامك دا طبعاً .. أول حاجة الناس ممكن تفكر فيها

لأنها ما اعتادت المسئولين .. يعملوا بضمير


إلا أننا .. نقول نعم للفكرة .. وتعسا لمن أساء التنفيذ

  رد مع اقتباس
 
 
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع

---
شارك هذا الموضوع مع أصدقائك على الفيس بوك
Share

الساعة الآن »11:50 AM.


Powered by vBulletin® Version 2018
.Copyright ©2000 - 2018, Jelsoft Enterprises Ltd
جميع الحقوق محفوظة لمنتديات القرير .Copyright ©2008- المواضيع المكتوبة تعبر عن رأي كاتبيها ولا تعبر عن رأي ادارة منتديات القرير free counters
شركة نوفــ العربية ــل