محمد سيداحمد نصر [ الكاتب : بدوى عكود - آخر الردود : بدوى عكود - ]       »     حفل تأبين للرجل الرقم محمد آد... [ الكاتب : بدوى عكود - آخر الردود : بدوى عكود - ]       »     الله يكضب الشينة [ الكاتب : بدوى عكود - آخر الردود : بدوى عكود - ]       »     هودج فوق النجوم لشفق المغارب [ الكاتب : بدوى عكود - آخر الردود : بدوى عكود - ]       »     عاجل ..هدوء مشوب بالحذر فى طر... [ الكاتب : محمد خليفة حمد محيريق - آخر الردود : محمد خليفة حمد محيريق - ]       »     الانتماء للقرير .. وواقعنا ال... [ الكاتب : محمد خليفة حمد محيريق - آخر الردود : محمد خليفة حمد محيريق - ]       »     أبـو القاسم عكود؟؟؟؟؟؟! [ الكاتب : احمد محمد صالح بادي - آخر الردود : محمد خليفة حمد محيريق - ]       »     حديث اليوم .. للمشاركة [ الكاتب : ود حمرى - آخر الردود : عمر محمد علي ترتوري - ]       »     مطر .. مطر [ الكاتب : ميرغني النقي - آخر الردود : أم مؤيد - ]       »     لقاء الدكتورة احلام حسب الرسول [ الكاتب : سليمان عبد الله محمد نور - آخر الردود : ضمرة عريج - ]       »     ديل السودانيين والسودان .. يـا... [ الكاتب : ود حمرى - آخر الردود : صديق الحسين طه وديدة - ]       »     وتفتقت أكمام زهرة (حفيدة) لإبن... [ الكاتب : احمد عبدالله جقلاب - آخر الردود : أم مؤيد - ]       »     المرحومة إنصاف سيد أحمد عرديب [ الكاتب : مامان ود المدير - آخر الردود : أمين عبدالله - ]       »     هاشم سيد احمد عبيد للرفيق الأع... [ الكاتب : مامان ود المدير - آخر الردود : عمار حامد على حامد - ]       »     النصــــرى ـ فـــنان السودان ا... [ الكاتب : صديق الحسين طه وديدة - آخر الردود : ابوالقاسم عكود - ]       »     حكمــــــــــة اليـــــوم [ الكاتب : احمد عبدالله جقلاب - آخر الردود : احمد عبدالله جقلاب - ]       »     البدون نشاطات متعددة [ الكاتب : احمد محمد صالح بادي - آخر الردود : احمد محمد صالح بادي - ]       »     العيد زمان [ الكاتب : أم مؤيد - آخر الردود : عمر محمد علي ترتوري - ]       »     أراجيز دعوية رمضانية حلمنتيشية... [ الكاتب : سيف الدين محمد الامين - آخر الردود : سيف الدين محمد الامين - ]       »     عبد الحميد عريج الى الرفيق الا... [ الكاتب : عمار حامد على حامد - آخر الردود : سيف الدين محمد الامين - ]       »    

تسجيل خروج البحث تحكم العضو التسجيل الرئيسية


 
 
العودة   منتديات القـريـر > قــــائمة المنتديــــات > منتدى الحوار العام
 
 

الإهداءات
أم مؤيد من الرياض : عيد مبارك عليكم وان شاء الله ترجوه تامين ولامين أمين عبدالله صحباوي من البورت : كل عام وأنتم بخير Q (20) بدوى عكود من القرير : عيد مبارك علينا عليكم كل سنة طيبين طيبين

إضافة رد
 
أدوات الموضوع انواع عرض الموضوع
 
 
  #1  
قديم 22-09-09, 03:23 AM
الصورة الرمزية عمر الشيخ محمد حسن
عمر الشيخ محمد حسن غير متواجد حالياً
عضو مجلس الادارة
 





افتراضي شعراء الشايقية

الحنين فى شعر الشايقية

من الخصائص المهمة جداً في شعر الشايقية هو الحنين بشكله المطلق الحنين للارض الحنين للاسرة الحنين للحبيبة الحنين للخضرة ولذلك نجد ان شعر الشايقية يدخل الاعماق دون إستئذان و يؤثر فيك بشكل كبير حيث ان هناك قصائد خالدة في وجدان الشعب السوداني كله وليس الشايقية فقط مثل قصائد الشاعر الفذ اسماعيل حسن والشاعر الكبير عبدالله محمد خير والشاعر الضخم ود الدابي والشاعر محمد سعيد دفع الله والشاعر السر عثمان الطيب وود ابنعوف وحاتم الدابي وهذا علي سبيل المثال لا الحصر ويقيني ان كل ابناء الشايقية هم شعراء بالفطرة ،كيف لا ونحن من تربينا علي الكرم والمروءة وكل الصفات الجميلة ، ومن العوامل التي أدت الي هذا الكم الهائل من الابداع هو ذلك الجمال الغريب الموجود في اراض الشايقية من النخيل والخضرة اللامتناهية والنيل سليل الفراديس وأما كلام الشايقية فنجد ان لهم مفرداتهم الجميلة الحنينة التي تدخل القلب مثل قصيدة بحر المودة للشاعر السر عثمان الطيب

يا يمة رسلي لي عفوك ينجيني من جور الزمان

حيث ان الام في مجتمع الشايقية هي كل شئ وعفو الام لا يقدر بثمن فلنتمعن هذه الكلمات ونفكر في عظمة الام حيث أن رضاء الام ينجي من المهالك انها مفردة الشايقيةالانيقة الجميلة السهلة.

ومن المعاني الراسخة جداً في وجدان شعراء الشايقية هي مفردة الغربة والغربة تعني عند الشايقية فقدان الأمان ، وقد عبر شعراء الشايقية عن غربتهم بقصائد غاية في الجمال والروعة مثل هذه القصيدة للرائع الاستاذ عبدالله محمد خير حيث يصور فيها معاناته وهو بعيد عن البلد والاحباب في شكل خطاب لابنته يقول فيه:

يا زينوبة ابوكي هو اصلو حالو برا

لا قاري العلم ولاهو سيد خبرا

ومو زول غربة لاكين الظروف جابرا

ما لو كان صبر كل الخلوق صابرا

والصابرات روابح لو يجن قماح

هو متين نساكم يمة شان يطرا

يتنفس هو زكراكم العطرة

رقيق احساس حنين قلبو بالفطرة

نديمو بقيت دموعو الديمة منقطرة

وعارف نفسو من غيركم هو ما برتاح

والله جاهو العيد كمان زاد القليب حسرة

سادي العبرة حلقو ونفسو منكسرة

هو لا لما القروش لا حصل المسرة

بلد ما فيها زول مات من عدم كسرة

فراقكم لينا يا احباب دا ما كان صاح

ولنري الشوق ماذا قال عنه الشاعر

الشوق للبلد لي بهجتة وسمرا

الشوق لي مقيلا ضمه ضل تمرة

الشوق لي حديثاً ضمه ضو قمرة

كان الشوق يخفف ولا يبري جراح

مشتاق للبلد جابريتة وككرا

مشتاق للحسيناب اسقا وبكرا

مشتاق للقبيل اتربو في حكرا

مشتاق للدميرة ومويتا العكرة

مشتاق للجزيرة وتشقا وهكرا

مشتاق لي قطع بحرا ودخول وكرا

مشتاق للأبا يفارق الفؤاد ذكرا

مشتاق للعلي مشغول دوام فكرا

مشتاق للصبح ديدن غناي شكرا

ياريت كنت بقدر اسوي شوقي جناح

من مواضيعي :
آخر تعديل عمر الشيخ محمد حسن يوم 22-09-09 في 03:27 AM.
رد مع اقتباس
 
 
 
 
قديم 22-09-09, 03:49 AM   #2
عضو مجلس الادارة
 
الصورة الرمزية عمر الشيخ محمد حسن





عمر الشيخ محمد حسن غير متواجد حالياً

من مواضيعي :
افتراضي رد: شعراء الشايقية

الشجن ودقة الوصف فى أشعار الشايقية

المفردة التي ينظم بها أهلنا أشعارهم ، مفردة مطمورة في أعماق الشجن الدافىء .
لذا فإنها تتغلغل في دواخل المتلقي فيحس أنها منه و أنه منها .
تعالوا معاً نتجول مع هذا الشاعر و هو يتحاور مع بيئته قائلاً :

يالنازلة ماشة على البحر ساعة الحلب
ساعة الشمس يادوب بتطلع و الشعاع رقرق علي قش الدرب
ماع الندى وقّع متل خرز السبح خيطو انقطع
يالنازلة

السمحة بي وسط التمر دايماً تفوت
يتّنى بي فوقا الجريد يلمس سبايب في الشعر
و القمري من عش ما بطير إعتاد عليها ووالفا
حتى السبيط مدّ الشخاليب و ابتسم
نوّارو مال مال فوق بعض
و لمان شبك نوارو في توبا الحرير
مالت بشيش السمحة مالت فكّتو
شان لا تحت نوارو لا تقطع صفق
شدر الطلح رمّى البرم
أصفر تحت أهدابا مفروش قرمصيص
يالنازلة

شوفي البحر يالسمحة إتقطّع ترع
و اصبح بعيييييييييييد أصبح بعيد
و الترعة وسط الرملة زي كبة عسل
جابوها في صينية لي فطرة عريس
حاشاها ماقالت بعيد السمحة ما قالت بعيد
يالنازلة و يالنازلة ماشة على البحر

  رد مع اقتباس
 
 
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن »08:44 AM.


Powered by vBulletin® Version 2014
.Copyright ©2000 - 2014, Jelsoft Enterprises Ltd
جميع الحقوق محفوظة لمنتديات القرير .Copyright ©2008- المواضيع المكتوبة تعبر عن رأي كاتبيها ولا تعبر عن رأي ادارة منتديات القرير free counters
شركة نوفــ العربية ــل